“Region Liqası” turnirinin püşkü atılıb
Bu gün “Region Liqası” turnirinin püşkü atılıb.
1news.az xəbər verir ki, püşkatma mərasimi 3 şəhərdə - Sumqayıtda, Sabirabadda və Oğuzda keçirilib.
Liqanın oyunlarına dekabrın 16-da və 17-də start veriləcək.
Məlumat üçün qeyd edək ki, “Region Liqası”nın oyunları 3 zona üzrə (Paytaxt və Şimal; Cənub və Mərkəz, Şimal-Qərb və Qərb) keçiriləcək. Hər birində 4 və ya 5 iştirakçı olmaqla komandalar 2 qrupda mübarizə aparacaq. Bu mərhələ 4 dövrədən ibarət olacaq.
Hər zona üzrə qalibi müəyyənləşdirmək üçün qrup mərhələsini birinci pillədə başa vuran komandalar arasında pley-off qarşılaşması təşkil ediləcək. Qalib komandalar yarımfinala vəsiqə qazanacaqlar.
Yarımfinal mərhələsində 3 zonanın qalibi ilə yanaşı, Naxçıvan Muxtar Respublikası üzrə birinci yeri tutmuş komanda da iştirak edəcək. Qarşılaşmalar neytral meydanda keçiriləcək və bir oyundan ibarət olacaq. Final və üçüncü yer uğrunda oyun da neytral meydanda keçiriləcək.
Turnirin ştirakçı komandalarının zonalar üzrə bölgüsünü və püşkün nəticəsinə uyğun olaraq, birinci turda keçiriləcək oyunların siyahısını diqqətinizə çatdırırıq:
|
PAYTAXT VƏ ŞİMAL ZONASI |
CƏNUB VƏ ARAN ZONASI |
ŞİMAL QƏRB VƏ QƏRB ZONASI |
|
Tufan (Bakı) |
Ümid (Cəlilabad) |
Şəki |
|
Ümid (Bakı) |
Dinamo (Yardımlı) |
Kürmük (Qax) |
|
Şağan |
Cənub RFF |
Oğuz |
|
Şıxlar FK (Qobustan) |
Astara |
Şirvan (Ağdaş) |
|
Şahdağ (Qusar) |
Neftçala |
Energetik (Mingəçevir) |
|
Şahdağ (Quba) |
Füzuli |
Göyəzən (Qazax) |
|
Səhliyalı (Şabran) |
Gənclik (Sabirabad) |
Şəmkir |
|
Uğur (Sumqayıt) |
Kürdəmir |
Xəmsə (Gəncə) |
1news.az
