Rabitəbank 2018-ci ili 3 milyon mənfəətlə başa vurdu
Bank 2018-ci ili 3,1 mln. manat mənfəət və 772 mln manat aktiv həçmləri ilə tamamlayıb.
Bankın kredit portfeli 2018-ci il ərzində 37% artaraq 324 mln. manat, məcmu kapitalı isə 12% artaraq, 102 mln manat təşkil edib. 2018-ci il ərzində bankın cəmi gəlirləri əvvəlki il ilə müqayisədə 15% artaraq 47 mln manat, xərcləri isə 44 mln manat təşkil edib.
Bank həmçinin, 2018-ci ildə əvvəlki il ilə müqayisədə, verilmiş biznes kreditlərin həcmi 23%, istehlak kreditlərin 163%, ipoteka kreditlərin isə 170% artmışdı. 2018-ci ildə sürətli pul köçürmələri 34%, plastik kartların sayı cəmi 15%, onların içində əmək haqqı kartlarının sayı isə 21% artmışdı.
Rəqamsal xidmətlər sahəsində bank ciddi irəliləyişlər nümayiş edib. Bankın internet banking xidmətinin istifadəçiləri olan hüquqi şəxslərin sayı 1200-ü keçib. Rabitəbank 2018-ci ildə, ölkədə ilk dəfə bank əməliyyatlarının həyata keçirildiyi keçirildiyi Telegram və Facebook Messenger üzərindən chatbot-u istifadəyə verib və bot vəsitəsilə pul köçürmələri xidmətini müştərilərə təqdim edib.
2018-ci ildə, bankın xidmət şəbəkəsinin sayında da artım müşahidə olunub. Belə ki, bankın, Xocalı pr. 37, Dəmirçi plaza ünvanında, yeni Xətai şöbəsi müştərilərin istifadəsinə verilib. Digər 4 filialı ünvanını dəyişərək, əsaslı təmir olunmuş geniş ofislərə köçürülüb. Həmçinin paytaxtda daha 4 ATM istifadəyə verilərək, sayı 65-ə çatdırılıb.
İldən-ilə inkişaf edən və ictimaiyyət arasında inamlı banklardan birinə çevirilən Rabitəbank, 2019-cu il üçün yeni məhsul və xidmətlərini öz müştərilərinə təqdim etməyə hazırlaşır.
Reklam hüququnda
