1news.az

Qriqoryan Fransaya getmək istəyir

16 Yanvar saat 11:33 ~ 1 dəqiqəlik oxu 94
Qriqoryan Fransaya getmək istəyir

Ermənistanın sabiq millət vəkili, general Manvel Qriqoryan müalicə almaq üçün Fransaya getmək istəyir.

1news.az xəbər verir ki, bu barədə Ermənistanın “Jamanak” nəşri yazıb.

Məlumata görə, Qriqoryan müxtəlif vasitəçilərin köməyi ilə deputatlara müraciət edərək onun ölkədən çıxışına qadağanın götürülməsi üçün Xüsusi İstintaq xidmətinə müraciət etmələrini xahiş edib.

Lakin deputatlar reytinqlərindən qorxaraq müraciəti imzalamağa meyilli deyillər.

Qeyd edək ki, ağciyər xərçəngindən əziyyət çəkən Qriqoryanı İrəvan məhkəməsi dekabrın 21-də 25 milyon dram (təxminən 51,5 min dollar) girov müqabilində azadlığa buraxıb.

Qriqoryan deputat toxunulmazlığı ləğv edildikdən sonra həbs edilib. O, qanunsuz silah saxlamaqda, başqasının əmlakını ələ keçirməkdə, hərbçilər üçün nəzərdə tutulmuş ərzağın mənimsənilməsində ittiham olunur.

P.Sultanova

 

OXUCULARIN SEÇİMİ
REDAKSİYANIN SEÇİMİ
Ermənistan BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net