QLED TV – təsvirin yeni keyfiyyəti
Televizorlar dəyişərək daha da təkmilləşir, bəzən isə bizi həqiqətən təəccübləndirirlər.
Lakin, bir çox halda biz yeni texnologiyanın necə işədiyini başa düşməkdə çətinlik çəkirik. Belə ki, Samsung-un təqdim etdiyi yeni Smart TV xətti - QLED, kvant nöqtələri üzərində işləyir. Bu texnologiyanın iş prinsipini öyrənmək üçün internetdə axtarış edərkən, şirkət tərəfindən təqdim olunmuş bu çarxı tapdım.
Videoda kvat nöqtələri texnologiyası haqqında məlumat asan və aydın bir vəzndə təqdim olunur. Belə ki, kvatn nöqtəsini brilyant kimi fərz edin, bu brilyantı işıq altında tutarkən göy qurşağı işıltısı əldə edirsiniz. İndi isə bu işığın brilyant bir boyunbağıya yönəldiyini düşünün, işıq hər bir qiymətli daşdan əks olunaraq qarşınızda bir göz qırpımında onlarla rəng çaları yaradır. Belə ki, kvant nöqtəsi ilə örtülmüş ekran da işığı əks etdirərək onu milyardlarla rəng çalarına çevirir, nəticədə isə təsvir daha canlı və təbii alınır.
QLED TV ilə siz təsvir keyfiyyətini yenidən kəşf edəcəksiniz. Buna misal olaraq, bu televizorların ekranında Q Təzadlığının xüsusi tənzimləmələri sayəsində qara rəng daha təbii və dolğundur. Bu texnologiya ətraf işıqlandırmaya uyğunlaşaraq günün həm işıqlı, həm də qaranlıq vaxtında sizə ən təbii görüntü bəxş edir. Adi televizorun bütün detalları ifadə edə bilmədiyi halda, geniş dinamik diapazon və parlaqlıq sayəsində Qled TV, hətta, ağ rəngin bütün çalarlarını aşkar edir. Beləliklə, təsvir o qədər canlı və təbii ötürülür ki, siz ekranda baş verənləri daha yaxından hiss edib, onlarım ab-havasına dalırsınız.
QLED-in xarici görünüşü xüsusi diqqətə layiqdir. İncə dizaynı və minimalistik üslubu sayəsində o, həm divardan asılı vəziyyətdə, həm də dayaq üzərində bütün baxışları özünə cəlb edir.
Ən əsası isə “gözə görünməz” qoşulma sayəsində smart TV ətrafında dolaşıq kabellər yoxdur. Belə ki, QLED yeganə şəffaf kabel ilə One Connect Box dok-stansiyasına qoşulur, digər cihazlara çıxış isə öz növbəsində burada toplanır. Bu qoşulma sayəsində siz televizor ətrafındaki sahəni boş saxlayaraq gərəkli digər cihazları asanlıqla rəflərə yerləşdirə bilərsiniz. QLED TV ilə xırdalıqlara qədər düşünülmüş zərif dizayn və unikal təsvir keyfiyyəti sayəsində siz təbii və canlı görüntüdən həzz alaraq televizora baxdığınızı unudacaqsınız.
Samsung QLED TV televizorları haqqında əlavə məlumat almaq üçün Baku Electronics, Kontakt Home, Maxi.az, Soliton və Optimal mağazalar şəbəkəsinə müraciət edə bilərsiniz.
Reklam hüququnda
