“Qarabağ”ın gəncləri “Çelsi”yə məğlub olub
“Qarabağ”ın U-19 komandası bu gün UEFA Gənclər Liqasının qrup mərhələsində 5-ci turun oyununa çıxıb.
1news.az-ın məlumatına görə, Rəşad Sadıqovun komandası Bakıda “Çelsi” ilə qarşılaşıb.
Ötən turda səfərdə “Atletiko”ya qalib gələrək (1:0) sürpriz nəticəyə imza atan “Qarabağ” qrup lideri ilə görüşdən məğlub ayrılıb - 1:3. Bununla da “Çelsi” növbəti mərhələyə yüksəlib. “Qarabağ” isə qrupdan çıxmaq şansını itirib.
Qeyd edək ki, qrupun digər oyununda “Atletiko” “Roma”nı qəbul edəcək.
UEFA Gənclər Liqası
C qrupu, V tur
22 noyabr
“Qarabağ” - “Çelsi” - 1:3
Qollar: Yaroslav Deda, 50 - Martell Teylor-Krossdeyl, 61 (pen.); Çarli Braun, 70; Corc Makİçran, 77
1news.az
693
