“Qarabağ” darmadağınla növbəti mərhələdə - VİDEO
Azərbaycan çempionu “Qarabağ” UEFA Çempionlar Liqasında növbəti oyununu keçirib.
1news.az-ın məlumatına görə, Qurban Qurbanovun yetirmələri Çempionlar Liqasının ikinci təsnifat mərhələsi çərçivəsində ilk səfər oyununda qolsuz bərabərə qaldığı Albaniyanın “Kukesi” klubunu qəbul edib.
Cütün favoriti hesab olunan Ağdam təmsilçisi ona bəslənən etimadı doğrultmağı bacarıb. Belə ki, rəqibinin qapısından 3 cavabsız top keçirən “Qarabağ” bu qələbə ilə ÇL-in 3-cü təsnifat mərhələsinə yüksəlib.
Qeyd edək ki, komandamız növbəti mərhələdə Belarusun BATE klubu ilə qarşılaşacaq. Bu komandalar arasında ilk oyun avqustun 7-də və ya 8-də Bakıda, cavab qarşılaşması isə avqustun 14-də Minskdə keçiriləcək.
UEFA Çempionlar Liqası
2-ci təsnifat mərhələsi, cavab oyunu
1 avqust
Qarabağ - Kukesi 3:0
Qol: D.Kintana, 24-pen; 57-pen. C.Delarj, 89.
Matçın 53-cü dəqiqəsində İ.Emeqara penaltidən yararlana bilməyib
Qırmızı vərəqə: A.Alla, 52.
(ilk oyun 0:0)
Hakimlər: Peter Kraloviç, Miroslav Benko, Erik Vayss, Patrik Hrka.
Bakı. Tofiq Bəhramov adına Respublika stadionu.
1news.az
