Politoloq: Paşinyan Uşakovun imicini ləkələməklə ATƏT müşahidəçilərinin müsbət rəyini qazanmaq istəyir
Nikol Paşinyan seçkidə gözləmədiyi vəziyyətlə üzləşib. Belə halda beynəlxalq müşahidəçilərin mənfi rəyi onun Qərblə əlaqələrini tamamilə korlaya bilər.
N.Paşinyanın qabağında duran əsas məsələ ATƏT-in demokratik təsisatlar və insan hüquqları bürosunun müsbət rəyini almaqdır. N.Paşinyan əla bilir ki, belə rəylər ancaq aparılan siyasətə görə verilir. Ona görə N.Paşinyan RF prezidenti V.Putinin beynəlxalq məsələlər üzrə köməkçisi Y.Uşakovu yalançı adlandırdı. Y.Uşakov KTMT-nin dekabrda Sankt Peterburq iclasının Ermənistanın müraciəti əsasında təxirə salındığını bildirmişdi. Əslində Uşakov yeni bir söz deməyib. Ondan bir az öncə N.Paşinyan özü elan etmişdi ki, Rusiya KTMT-nin Sankt-Peterburq sammitini təxirə salıb.
Rusiyanın, Qazaxıstanın və ya Belarusun sammiti təxirə salmasında heç bir ehtiyacı yox idi. Bu yalnız Ermənistana görə ola bilər və Putin də özbaşına bu iclası təxirə salmaq niyyətində ola bilməzdi. N.Paşinyanın bəyanatları da onun KTMT baş katibi postundan əl çəkdiyini göstərirdi. Çünki o əvvəlcədən bəyan etmişdi ki, KTMT-nin baş katibliyindən qat-qat vacib məsələlər var.
N.Paşinyanın atdığı addımlar onun parlament seçkilərindən sonra Qərbyönümlü kurs götürəcəyini göstərir. Bərpa olunan enerji sahəsində görülən işlər, alternativ energetika və yaxud energetika sahəsində aparılan islahatlar Rusiyanın ziyanınadır, Qərbin planı üzrə reallaşır.
Daha bir siyasi iradə ortalığa qoymaqdan ötrü N.Paşinyan Uşakovu yalançı kimi qələmə verdi. Y.Uşakov indi Putinin daimi yanındadır, bəzi gizli və yaxud arxada qalan məsələlərin izahını Uşakova verir. Ona görə Paşinyanın Uşakova yalançı deməsi Rusiyanın imicinə KTMT-nin imicinə vurduğu zərbədən heç də az zərbə deyil və bunu da etməkdə Paşinyanın məqsədi ATƏT müşahidəçilərinin müsbət rəyini almaqdır.
Mübariz Əhmədoğlu
Siyasi İnnovasiya və Texnologiyalar Mərkəzinin sədri, politoloq
