1news.az

Politoloq: Azərbaycan Avropa İttifaqından münaqişələrə yanaşmada prinsipial və ədalətli mövqe gözləyir

20 May saat 15:32 ~ 2 dəqiqəlik oxu 215
Politoloq: Azərbaycan Avropa İttifaqından münaqişələrə yanaşmada prinsipial və ədalətli mövqe gözləyir

Azərbaycan prezidentinin Avropanın paytaxtında keçirdiyi görüşlər bu dəfə də əhəmiyyətli oldu. Bu görüş həm də onunla yaddaqalan oldu ki, Şərq Tərəfdaşlığı proqramının 10 illik yubileyinə təsadüf etdi.

Bunu 1news.az-a açıqlamasında politoloq, beynəlxalq münasibətlər üzrə mütəxəssis Nəzakət Məmmədova mayın 13-də Prezident İlham Əliyevin  Brüsselə səfərini şərh edərkən deyib. Onun sözlərinə görə, Prezident İlham Əliyevin Avropa İttifaqı Şurasının prezidenti Donald Tuskla keçirdiyi görüşdə ötən il Azərbaycan və Avropa İttifaqı arasında imzalanmış “Tərəfdaşlıq prioritetləri” sənədinin əhəmiyyətinin vurğulanması, həmçinin tərəflər arasında üzərində danışıqlar aparılan Tərəfdaşlıq sazişi ilə bağlı fikir mübadiləsi aparılması yaxın zamanlarda sazişin Azərbaycanın milli maraqlarına uyğun müddəalarla birgə imzalanacağını deməyə əsas verir.

N.Məmmədova bildirib ki, Azərbaycan təkcə Şərq Tərəfdaşlığı Proqramı çərçivəsində deyil, eyni zamanda ikitərəfli formatda Avropa İttifaqı ilə yaxından əməkdaşlıq edir və bu əməkdaşlıq qarşılıqlı faydalı əməkdaşlıq prinsipinə əsaslanır.

“Lakin Şərq Tərəfdaşlığı Proqramına üzv olan, ərazisinin bir hissəsini itirmiş ölkələr, o cümlədən Azərbaycan Avropa İttifaqından münaqişələrə yanaşmada konkret, prinsipial və ədalətli mövqe gözləyir.

Əgər Avropa Birliyi bu məsələlərdə prinsipiallıq nümayiş etdirsə, o zaman o, tərəfdaş ölkələrlə münasibətdə uğur qazanacaq. Əks halda münasibətlər qeyri-mükəmməl, yarımçıq xarakter alacaq ki, bu da qurumun nüfuzunun azalmasına gətirib çıxara bilər.

Bu baxımdan Azərbaycanın ərazi bütövlüyünə hörmət olunması, xüsusilə sazişdə müvafiq müddəanın vurğulanması demokratiyaya, ictimai rəyə xüsusi önəm verən Avropa təsisatlarından, o cümlədən Avropa İttifqaından Azərbaycan xalqının əsas gözləntilərindən biridir”- deyə, politoloq qeyd edib.

1news.az

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net