Paşinyan: Ermənistan və Azərbaycan rəhbərliyi arasında operativ əlaqə yaradılıb

Ermənistan və Azərbaycan rəhbərliyi arasında operativ əlaqə yaradılıb.

1news.az erməni mətbuatına istinadla xəbər verir ki, bunu Ermənistanın baş naziri vəzifəsini icra edən Nikol Paşinyan deyib.

O deyib: "Azərbaycan tərəfi ilə razılaşdırıldığı kimi, etibarlı operativ əlaqə yaradılıb və deyə bilərik ki, məlumatlar yarım saat ərzində qarşılıqlı olaraq Azərbaycan Prezidentinə və mənə çatacaq".

Atəşkəs rejiminin pozulduğu halda, Azərbaycanın rəhbərliyi ilə birbaşa ünsiyyətin mümkünlüyünə gəlincə, Paşinyan müsbət cavab verib, əlavə edib ki, birbaşa əlaqədən hər bir hadisə zamanı istifadə edilməyəcək.

Paşinyan vurğulayıb ki, hazırda təmas xəttində vəziyyət sakitdir və bu da Düşənbə razılaşmasının nəticəsidir.

P.Sultanova