“PAŞA Sığorta” müştəriləri artıq hesab.az vasitəsilə avtomobilini icbari sığorta edəcək
“PAŞA Sığorta” şirkətinin müştəriləri artıq hesab.az onlayn ödəniş portalına daxil olaraq bir neçə dəqiqə ərzində icbari avtomobil sığortasını həm əldə edə, həm də anında sığorta haqqının ödənişini həyata keçirə bilərlər.
Avtomobilin icbari sığortasını əldə etmək üçün müştəri sadəcə www.hesab-az onlayn ödəniş portalına daxil olur və “Sığorta” bölməsini seçərək avtonəqliyyat vasitəsi barədə məlumatları daxil edir. Məlumatları daxil etdikdən sonra “PAŞA Sığorta” şirkətini seçib ödənişi həyata keçirdikdə, şəhadətnamə qüvvəyə minəcək və bununla müştəri öz vaxtına qənaət edərək şəhadətnamənin qüvvəyə minməsini gözləməkdən azad olur.
Qeyd edək ki, “PAŞA Sığorta” şirkəti 2006-cı ildən fəaliyyət göstərir. “PAŞA Holding” qrupunun üzvü olan “PAŞA Sığorta” 300 000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətidir.
Reklam hüququnda