Oxumağa dəyər 5 kitab: Qrem Uilson məsləhət görür – FOTO
İngilis tədqiqatçı və yazıçı Qrem Uilson – dünya liderləri və nəhəng şirkətlər haqqında çoxsaylı bioqrafiya və kitabların müəllifidir.
O, Azərbaycan Prezidenti İlham Əliyev və Ümummilli lider Heydər Əliyevin bioqrafiyalarının, həmçinin ADR-in 100 illiyinə həsr olunmuş kitabın müəllifidir.
Bakıya tez-tez səfər edən tədqiqatçı Azərbaycan reallıqlarından da xəbərdardır və 1news.az redaksiyasının yaxın dostudur.
1news.az və Audiokitab-ın birgə layihəsi olan – #Top5books onun ürəyincə oldu. Yazıçı da öz növbəsində beş kitab siyahısını hazırlayaraq oxucularımızla bölüşdü.
***
“Möcüzə quşunu öldürmək” (To Kill a Mockingbird)
Bu roman 1960-cı ildə nəşr olunub və əvəzssiz müasir klassikadır. Kitabda XX əsrin əvvəllərində insan davranışın və vicdanının araşdırılmasından bəhs edilir. Əsərin müəllifi Harper Li burada: yumor, nifrət, ikiüzlülük, sevgi, paklıq kimi hissləri birləşdirə bilib. Bütün 20-ci əsr ərzində bundan gözəl roman yazılmayıb.
Kitabı ingilis və rus dilində almaq və ya onlayn oxumaq olar.
“Emosional intellekt” (Emotional Intelligence)
Kitabın müəllifi Daniel Qoulmandan bildim ki, əgər bir dəqiqə ərzində nəbziniz 100 dəfə vurursa, deməli rasional düşünmək üçün çox emosional insansınız. Özünüinkişafla bağlı kitabların tərəfdarı deyiləm, lakin “Emosional intellekt” hisslərin fikirləri dumanlandırmasını anlayırsan. Şəxsən mənə bu, daha ağıllı qərarlar qəbul etməyə kömək etdi.
Kitabı ingilis dilində onlayn buradan, rus dilində, shop.az və Ali&Nino-dan almaq olar.
“Cerçil: Tale ilə gəzinti” (Churchill: Walking with Destiny).
Ola bilsin ki, bu, dahi ingilislə bağlı birtomluq yeganə bioqrafiyadır. Kitabda gənc Uinstondan tutmuş Cerçilə qədər bütün detallar öz əksini tapıb.
Kitabı Amazon-dan almaq olar.
“Mənim mübarizəm” (Mein Kampf)
Kitabı oxuyarkən keçmişə nəzər yetirərək 1925-ci ildə saxta və yarı doğru xəbərlərə qərq olmanın şahidi olursan.
Açıq dünyagörüşlü hər bir insan – Donald Trampı dəstəkləsə də, dəstəkləməsə də, növbəti seçkilərdən qabaq mütləq bu kitabı oxumalıdır.
Kitabı ingilis dilində və rus dilində oxumaq olar.
“Herbert Çepmenin dövrü və həyatı: futbolun ən nüfuzlu simalarından biri” (The Life and Times of Herbert Chapman: The Story of One of Football's Most Influential Figures)
Herbert Çepmen 1930-cu illərdə “Arsenal” komandasının kapitanı olmuş və müasir futbol menecmetliyinin təsisçilərindəndir. Kitabı bu ilin mayında Bakıda Avropa Liqasının finalından öncə, “Arsenal”ın gəlişindən əvvəl oxumaq lazımdır.
Kitabı ingilis dilində buradan oxumaq olar.
Oxumağa dəyər 5 kitab: ADA Universitetinin prorektoru Fariz İsmayılzadə məsləhət görür – FOTO
Oxumağa dəyər 5 kitab: Audiokitab-ın rəhbəri Həsən Həsənov məsləhət görür – FOTO
Oxumağa dəyər 5 kitab: Çingiz Abdullayev məsləhət görür – FOTO
Oxumağa dəyər 5 kitab: Rəhman Hacıyev məsləhət görür – FOTO
Tərcümə: S.Xankişiyeva
