Nijdenin nasist ideyalarının təbliğinə dair yeni faktlar açıqlandı
Bu gün Bakıda rusiyalı tarixçi, hüquqşünas, professor Oleq Kuznetsov “Ermənistan: Faşizm tüğyan edən ölkə” adlı mətbuat konfransı keçirib.
1news.az xəbər verir ki, tarixçi Azərbaycanın Dövlət Təhlükəsizlik Xidmətinin Arxiv Fondundakı elmi araşdırmalarının yekunu və Sovet Dövlət Təhlükəsizlik orqanlarının (ОГПУ-НКВД-МГБ-КГБ СССР), hazırda Ermənistanda dövlət səviyyəsinə qaldırılmış tsexakronizm ideologiyasının özündə faşizmi təcəssüm etdirməsini təsbit edən və DTX tərəfindən açılmış məxvi materialları təqdim edib.
Bildirilib ki, bu cür sənədlərin sayı minlərlədir. Onlar heç Moskvadakı arxivlərdə də qalamyıb. Həmin sənədləri ermənilərin məhv etdiyi, Azərbaycan arxivlərində isə vətənpərvər insanların onları qoruyub saxlayıb.
“Bu gün Rusiyada rəsmi səviyyədə elan edilib ki, Qareqin Njdenin qəhrəman kimi təqdim edilməsi Ermənistanın daxili işidir və bu məsələnin Rusiya mətbuatında müzakirəsi qadağandır. Eyni zamanda Rusiya BMT-də nasizmin qəhrəmanlaşdırılmasına qarşı mübarizəyə dair qətnamənin qəbulunun təşəbbüskarları arasında olub, Ermənistan da həmçinin. Niyə, Moskva və dünyanın digər paytaxtlarında Ermənistanda nasizmin canlanmasına göz yumuldu?, deyə tarixçi sual edib.
Onun sözlərinə görə, Ermənistanda qəhrəman səviyyəsinə qaldırılan Qareqin Njdenin nasist ideologiyasını təbliğ etməsinə dair çoxsaylı sübutlar var. Üzə çıxarılan sənədlər də bunu sübut edir. Belə ki, Zaqafqaziya Sosialist Federativ Sovet Respublikasının daxili işlər xalq komissarlığının dövlət təhlükəsizliyi idarəsinin 1935-ci il 7 aprel tarixli 138 saylı sənədində erməni daşnak ideologiyasının dövlət təhlükəsizliyini təhdid etdiyi vurğulanıb.
Xüsusilə, sənəddə göstərilir ki, Ermənistan sosializm açıq faşizmə çevrilir və buna görə də daşnakların ideologiyasına qarşı mübarizə formalarını genişləndirmək və gücləndirmək tövsiyə edilib.
Bununla yanaşı, sənəddə Qareqin Njdenin məqaləsindən çıxarışlar verilir, hansı ki, orda gənc nəsil Hitlerdən hərəkət etməyi öyrənməyə çağırılır.
Qeyd edilib ki, Qareqin Njde nasisit iseyalarına görə ABŞ-dan qovulmuşdur. Belə ki, ABŞ-da yaratdığı təşkilatın ideyasını bu təşkil edirdi ki, bəzi xalqlar digərlərindən üstündürlər və üstün xalqların zəif xalqları tapdalamaq, onları məhv etmək hüququ var. ABŞ-dan qovulduqdan sonra Almaniyaya, faşizmin mərkəzi olan Münhen şəhərinə gəldi. Hitler Almaniyası onu çox gözəl qarşıladı, ona şərait yaratdılar, məqaləri çap edildi. Hansı ki, bu gün həmin məqalələr erməni faşizminin bütün simasını ortaya qoyur.
Tarixçi deyib ki, bu gün ermənilər 1937-ci ildə repressiyaya məruz qaldıqlarını iddia edirlər. Amma daşnakları Sovet Zaqafqaziyası erməni, millətçi, bolşevik ideyalarına qarşı olduqlarına görə deyil, onların liderlərinin özlərini Hitlerin, onun insanlığa qarşı ideologiyasının tərəfdarları elan etdikləri üçün məhv ediliblər.
Kuznetsov əalvə edib ki, onun əsil soyadı Njde deyil, Njdeydir. Soyadının tam tərcüməsi isə "mənfəət axtarışında vətənini tərk edən bir adam", müasir şəkildə - is “qastarbeiter”(iş məqsədilə ölkəni tərk edən adam).
O xatırladıb ki, Nijde faşist Almaniya ilə əməkdaşlıq çərçivəsində uzun müddət Sovet İttifaqına qarşı mübarizə aparırdı və Balkanlarda, Qafqazda, Azərbaycan və Şimali İranda müsəlman inanclı insanların ölümündə günahkar olub.
P.Sultanova
