1news.az

Nalbandyan həmsədrlərlə görüşüb

18 Yanvar saat 09:45 ~ 1 dəqiqəlik oxu 168
Nalbandyan həmsədrlərlə görüşüb

Ermənistanın xarici işlər naziri Edvard Nalbandyan Polşanın Krakov şəhərində ATƏT-in Minsk Qrupunun həmsədrləri ilə görüşüb.

1news.az xəbər verir ki, bu barədə Ermənistan XİN açıqlama yayıb. Görüşdə Minsk Qrupunun həmsədrləri Endryü Şhofer (ABŞ), Stefan Viskonti (Fransa), İqor Popov  (Rusiya) və ATƏT-in fəaliyyətdə olan sədrinin şəxsi nümayəndəsi Anjey Kaspişik də iştirak edib.

Tərəflər Dağlıq Qarabağ münaqişəsinin nizamlanması prosesini, Vyana, Sankt-Peterburq və Cenevrədə sammitlərdə əldə edilmiş razılaşmaların həyata keçirilməsi yollarını müzakirə ediblər. Görüşdə, həmçinin münaqişə zonasında gərginliyin azaldılması üçün atəşkəs razılaşmasına ciddi riayət edilməsi və ATƏT-in fəaliyyətdə olan sədrinin şəxsi nümayəndəsinn ofisinin monitorinq imkanlarının genişləndirilməsi, atəşkəs rejiminin pozulması hallarının araşdırılması mexanizminin yaradılması ətrafında fikir mübadiləsi aparılıb.

P.Sultanova

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net