Nabranda erməni mahnısı səsləndirən DJ həbs edilib
21 iyul axşam saatlarında Nabranda yerləşən “Malibu İstirahət Mərkəzin”də erməni mahnısı səsləndirilib.
1news.az-ın Yenicag.az-a istinadla verdiyi xəbərə görə, vətəndaşların şikayəti əsasında Xudat Şəhər Polis Bölməsi istirahət mərkəzinə gəlib.
Xudat Şəhər Polis Bölməsinin rəisi Fəxrəddin Hacıyevin də şəxsən iştirakı ilə musiqi saxlanılıb. İstirahət mərkəzində Dj kimi fəaliyyət göstərən Nağıyev Abdul Xaliq oğlu polislərlə dalaşıb. Polisə müqavimət göstərən Dj saxlanılaraq Xudat şəhər Polis Bölməsinə aparılıb.
Nağıyev Abdul Xaliq oğlu polisə musiqini Malibu İstirahət Mərkəzinin rəhbərinin kompüterindən götürdüyünü deyib.
Bu gün Xaçmaz Rayon Məhkəməsinin qərarı ilə Nağıyev Abdul Xaliq oğlu 10 sutka müddətinə həbs edilib.
S.Xankişiyeva
