Mübariz Əhmədoğlu: Paşinyan iri hesabla Putini aldatdı | 1news.az | Xəbərlər
Siyasət

Mübariz Əhmədoğlu: Paşinyan iri hesabla Putini aldatdı

10:44 - 13 / 12 / 2018
Mübariz Əhmədoğlu: Paşinyan iri hesabla Putini aldatdı

Ermənistanda parlament seçkilərinin ən vacib siyasi yekunlarından biri Rusiyapərəst qüvvələrin parlamentdə təmsil olunmamasıdır. Müstəqil Ermənistanda bu hal ilk dəfə baş verir.

Paşinyanın Putini aldatması birinci müavini A.Mirzoyanın RF-in Ermənistandakı səfiri S.Kopırkinlə parlament seçkilərinə hazırlığı müzakirə etməsindən başlanmışdı. Əlbəttə Paşinyan yenə yalan danışa  bilər: Onun rəhbərlik etdiyi parlament çoxluğu Rusiyanın da mövqeyini müdafiə edəcək. Paşinyanın bu yalanı təsadüfi və ya son səsvermə gününün nəticəsi deyil. Sadəcə rus ictimai-siyasi şüuru, ağlı ermənini dərk etmək gücündə deyil. Paşinyan addımbaaddım bu istiqamətdə gedirdi:

Seçki kampaniyası dövründə Ermənistanda energetika ilə bağlı “Ermənistan energetika həftəliyi-2018” adlı tədbir keçirildi və tədbirdə Ermənistanda enerji islahatlarının  bərpa olunan enerji istiqamətində aparılması razılaşdırıldı. Başqa sözlə, Ermənistan energetikası yanacaq energetikasından xilas olur, alternativ və ya bərpa olunan enerjiyə keçir. Yanacaq energetikasından asılı Ermənistan, həm də Rusiya energetikasından asılı Ermənistan deməkdir.

Ermənistan zəruri ehtiyacının  olmasına baxmayaraq məhz elə seçki kampaniyası dövründə “Metsatomenerqo” Rusiya-Ermənistan birgə müəssisəsini ləğv etdi. Rusiya tərəfindən heç kəs buna reaksiya vermədi. Erməni həyası o səviyyədə idi ki, bir tərəfdən Ermənistan Rusiyadan Metsamor AES-in bərpası üçün ayırdığı kreditin ödəmə müddətini daha 2 il yubatmağı xahiş edirdi, digər tərəfdən isə Rusiya ilə birlikdə yaratdığı müəssisəni ləğv etdi.

Paşinyan V.Putinin beynəlxalq məsələlər üzrə köməkçisi Uşakovu aşağılamaqla Qərb qarşısında özünün anti-Rusiyaçılıq istiqamətində siyasi iradəsini bir daha nümayiş etdirdi və  nəticədə istədiyinə nail oldu. Qərb rəhbərliyi ATƏT və digər müşahidəçilərə Ermənistandakı seçkilərə müsbət rəy bildirmək göstərişini verdilər. Məhz səsvermədən 2 gün öncə Ermənistan polisi News.am saytının binasına soxularaq seçki ilə bağlı olan materialların video yazısını tələb edirdilər. Bu hücum beynəlxalq müşahidəçilərin diqqətini cəlb etmədi.

ATƏT/DTİHB-in Ermənistandakı növbədənkənar parlament seçkiləri ilə bağlı aralıq hesabatı tamamilə neqativ idi. Sonda ATƏT/DTİHB yalnız səsvermə günü müşahidələrin əsasında yekun nəticəni müəyyənləşdirdi.

Nikol Paşinyan istədiyinə nail oldu. Parlament demək olar antiRusiyadır. Bu nəticəyə görə də həm ABŞ, həm Aİ artıq Ermənistandakı bu parlament seçkilərini təbrik edirlər.

Rusiya Ermənistanın geosiyasətindəki qeyri-müəyyənliyə son qoymalıdır. Ermənistan üçün Qarabağ məsələsi geosiyasi oyunu adı ilə  tədricən Rusiyadan uzaqlaşıb, Qərbə tərəf meyllənməsi üçün lazımdır. Ona görə Rusiya Ermənistanın Qarabağ mövzusundakı qeyri-müəyyənliyinə son qoymalıdır:

RF yaxın vaxtlarda təbii qazının Dağlıq Qarabağa nəqlini dayandırmalıdır. RF bununla beynəlxalq hüquqa hörmətini nümayiş etdirməlidir. Mehri dəmir yolunun açılmasına nail olacaqsa  bu Rusiyanın uğuru hesab oluna bilər. Çünki Mehi dəmir yolunun açılması Ermənistanın Rusiyaya bağlanması deməkdir və Qərbdəkilər də bundan müəyyən nəticələr çıxaracaqlar.

Dağlıq Qarabağ məsələsində qeyri-müəyyənliyin aradan qaldırılmasına Rusiyanın təkid etməsi daha çox öz faydasınadır.

Mübariz Əhmədoğlu

Siyasi İnnovasiya və Texnologiyalar Mərkəzinin sədri, politoloq

 

 

 

Paylaş:
554

Son xəbərlər

Azərbaycan-İraq əlaqələrinin inkişafı müzakirə olunub - FOTO18 / 03 / 2024, 21:05Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib18 / 03 / 2024, 17:33Ceyhun Bayramov Çanaqqala zəfərinin ildönümü münasibətilə Türkiyəni təbrik edib18 / 03 / 2024, 17:11Ötən həftə azad olunmuş ərazilərdə 38 mina aşkarlanıb18 / 03 / 2024, 17:02Süni intellekt əvəzinizə mahnı yaradacaq - FOTO18 / 03 / 2024, 16:48“Ali Məhkəmənin tətbiq etdiyi yeni sistem hamı üçün faydalıdır” – RƏYLƏR18 / 03 / 2024, 16:34Cənubi Qafqazın sülh təşəbbüskarları18 / 03 / 2024, 16:34Böyük Britaniya kralı III Çarlz vəfat edib18 / 03 / 2024, 16:20“Gənclik” metrostansiyasının yanında yeni nəqliyyat mübadilə mərkəzi yaradılıb18 / 03 / 2024, 16:13İlham Əliyev Xankəndinin Azərbaycan torpağı olması ilə bağlı bir sıra faktları açıqlayıb18 / 03 / 2024, 16:04Xankəndinin mərkəzi meydanına “Zəfər meydanı” adı verilib18 / 03 / 2024, 15:58İraq Respublikasının Prezidenti Azərbaycan nümayəndə heyətini qəbul edib - FOTO18 / 03 / 2024, 15:48Tamstore 25-ci marketini açır – işçi sayı 1200-ü keçdi18 / 03 / 2024, 15:41İlham Əliyev Novruz bayramı münasibətilə Azərbaycan xalqını təbrik edib18 / 03 / 2024, 15:38Silk Way West Airlines daha bir Boeing 777 Freighter ilə donanmasını yeniləməyə davam edir18 / 03 / 2024, 15:33İran, Belarus və Rusiyadan Azərbaycana gətirilən qidalarda uyğunsuzluqlar aşkarlanıb18 / 03 / 2024, 15:20Ceyhun Bayramov ABŞ Dövlət Departamentinin Qafqaz danışıqları üzrə baş müşaviri ilə görüşüb18 / 03 / 2024, 15:12Bayramda Xaqani parkına yaxın bəzi küçələrdə hərəkətə məhdudiyyət qoyulacaq18 / 03 / 2024, 14:58Bakıda mənzildən meyit tapılıb18 / 03 / 2024, 14:49
Bütün xəbərlər