Mübariz Əhmədoğlu: Ermənistan tənzimlənmənin mahiyyətindən doğan humanitar aksiyalara üstünlük verməlidir | 1news.az | Xəbərlər
Siyasət

Mübariz Əhmədoğlu: Ermənistan tənzimlənmənin mahiyyətindən doğan humanitar aksiyalara üstünlük verməlidir

10:22 - 17 / 04 / 2019
Mübariz Əhmədoğlu: Ermənistan tənzimlənmənin mahiyyətindən doğan humanitar aksiyalara üstünlük verməlidir

Azərbaycan Respublikasının Prezidenti və Ermənistan Respublikası baş nazirinin Vyana görüşündə  tövsiyə olunan məsələlərdən biri də humanitar aksiyaların reallaşdırılması idi.

Erməni tərəfi buna dərhal siyasi yanaşmanı ortalığa qoydu; Bir neçə ailənin görüşməsi, sosial şəbəkələrdə dialoqun bünövrəsinin qoyulması, hava sərhədinin və Sərsəng Su Anbarından qondarma Dağlıq Qarabağ Respublikası ilə Azərbaycan Respublikasının birgə istifadəsi və s bu qəbildən olan ideyalar idi. Əslində erməni tərəfinin bütün canfəşanlığı tənzimlənmədə bu vaxta qədər əldə olunmuş nailiyyəti heçə endirməkdir. Humanitar aksiyaları siyasiləşdirmək bunun bir istiqamətidir.

Dağlıq Qarabağ tənzimlənməsinin gedişinə baxsalar ermənilər bütün vacib məsələlərə cavab taparlar. Cavablar ermənilərin maraqlarına  uyğun olmadığı üçün ermənilər bundan imtina edir və yaxud rədd etməklə məşğul olurlar. 2011-ci il Həştərxanda üçtərəfli Rusiya, Azərbaycan və Ermənistan prezidentlərinin iştirakı ilə humanitar aspektləri ətraflı əhatə edən bəyanat qəbul edildi. Bəyanatın qısa mahiyyəti: Erməni tərəfdə olan azərbaycanlı və yaxud Azərbaycan tərəfdə olan  erməni ölü və ya diri halda  dərhal qaytarılmalıdır.

İndi N.Paşinyan müxtəlif bəhanələr uydurmaqla məşğuldur. Belə xəstə düşüncələr ortalıqdadır.  Real yanaşma isə fərqli olmalıdır; Qondarma Dağlıq Qarabağın rəhbərliyi Sərsəng Su Anbarından birgə istifadə üçün Tərtər rayon İcra Hakimiyyətinə müraciət edə bilər.

Hava məkanının birgə istifadəsi tamamilə absurd məsələdir. Azərbaycan Respublikasının işğal olunmuş ərazisi olduğu üçün beynəlxalq Konvensiyalar Dağlıq Qarabağ üzərindən uçuşları qadağan edir. De-yure Azərbaycan Respublikasına məxsus olan bu hava məkanı üzərində Azərbaycanın de-fakto səlahiyyəti bərpa olunacaqsa, o zaman beynəlxalq konvensiyalar da bu hava məkanı üzərindən uçuşlara icazə verəcək. Ermənilərin humanitar aksiyaları siyasiləşdirməsi tənzimlənməyə deyil, yalnız özlərinin siyasi ambisiyalarına xidmət edir.

Tənzimlənmənin mahiyyətinə uyğun ən təkmil humanitar aksiya Dağlıq Qarabağ erməniləri ilə Dağlıq Qarabağ azərbaycanlılarının müxtəlif formatlarda, variantlarda, müxtəlif sosial qruplar şəklində dialoqunun təşkilidir. Əgər erməni tərəfi tənzimlənməyə hazırdırsa başa düşür ki,  tənzimlənmənin sonu Dağlıq Qarabağın statusunun müəyyən olunmasıdır. Dağlıq Qarabağın statusunun müəyyən olunması yalnız Dağlıq Qarabağ erməniləri ilə Dağlıq Qarabağ azərbaycanlılarının birgə iştirakı ilə mümkündür. Demək humanitar müstəvi məhz Dağlıq Qarabağ erməniləri ilə Dağlıq Qarabağ azərbaycanlıları birgə oturub məsələləri müzakirə etməsi məqsədinə xidmət etməlidir. Təbii ki, bu yumşaq keçəsi proses deyil. Süni uydurulmuş siyasi nifrət və ya siyasi ambisiyalarla yanaşı, real narazılıqlar da ortalıqda ola bilər. Ona görə Ermənistan tərəfi humanitar aksiyaları siyasiləşdirməkdən əl çəkməli və tənzimlənmənin mahiyyətindən doğan humanitar aksiyalara üstünlük verməlidir.

Mübariz Əhmədoğlu,

Siyasi İnnovasiya və Texnologiyalar Mərkəzinin sədri, politoloq

Paylaş:
494

Son xəbərlər

Azərbaycan-İraq əlaqələrinin inkişafı müzakirə olunub - FOTO18 / 03 / 2024, 21:05Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib18 / 03 / 2024, 17:33Ceyhun Bayramov Çanaqqala zəfərinin ildönümü münasibətilə Türkiyəni təbrik edib18 / 03 / 2024, 17:11Ötən həftə azad olunmuş ərazilərdə 38 mina aşkarlanıb18 / 03 / 2024, 17:02Süni intellekt əvəzinizə mahnı yaradacaq - FOTO18 / 03 / 2024, 16:48“Ali Məhkəmənin tətbiq etdiyi yeni sistem hamı üçün faydalıdır” – RƏYLƏR18 / 03 / 2024, 16:34Cənubi Qafqazın sülh təşəbbüskarları18 / 03 / 2024, 16:34Böyük Britaniya kralı III Çarlz vəfat edib18 / 03 / 2024, 16:20“Gənclik” metrostansiyasının yanında yeni nəqliyyat mübadilə mərkəzi yaradılıb18 / 03 / 2024, 16:13İlham Əliyev Xankəndinin Azərbaycan torpağı olması ilə bağlı bir sıra faktları açıqlayıb18 / 03 / 2024, 16:04Xankəndinin mərkəzi meydanına “Zəfər meydanı” adı verilib18 / 03 / 2024, 15:58İraq Respublikasının Prezidenti Azərbaycan nümayəndə heyətini qəbul edib - FOTO18 / 03 / 2024, 15:48Tamstore 25-ci marketini açır – işçi sayı 1200-ü keçdi18 / 03 / 2024, 15:41İlham Əliyev Novruz bayramı münasibətilə Azərbaycan xalqını təbrik edib18 / 03 / 2024, 15:38Silk Way West Airlines daha bir Boeing 777 Freighter ilə donanmasını yeniləməyə davam edir18 / 03 / 2024, 15:33İran, Belarus və Rusiyadan Azərbaycana gətirilən qidalarda uyğunsuzluqlar aşkarlanıb18 / 03 / 2024, 15:20Ceyhun Bayramov ABŞ Dövlət Departamentinin Qafqaz danışıqları üzrə baş müşaviri ilə görüşüb18 / 03 / 2024, 15:12Bayramda Xaqani parkına yaxın bəzi küçələrdə hərəkətə məhdudiyyət qoyulacaq18 / 03 / 2024, 14:58Bakıda mənzildən meyit tapılıb18 / 03 / 2024, 14:49
Bütün xəbərlər