Mogerini: Aİ-nin Şərq Tərəfdaşlığı ölkələrinin ərazi bütövlüyünə dair qəti mövqeyi var
Avropa İttifaqının (Aİ) "Şərq Tərəfdaşlığı" ölkələrinin ərazi bütövlüyünə dair qəti mövqeyi var.
1news.az xəbər verir ki, bu barədə Aİ-nin xarici siyasət və təhlükəsizlik məsələləri üzrə ali nümayəndəsi Federika Mogerini Brüsseldə Avropa İttifaqı Şurasının iclasının yekunlarına dair mətbuat konfransında deyib.
F.Mogerini bildirib ki, bu gün nazirlər tərəfindən həmişə xüsusi vurğulanan bir element yenidən təsdiqlənmiş oldu. Avropa İttifaqının “Şərq tərəfdaşlığı” ölkələrinin ərazi bütövlüyü və suverenliyinə dair konsolidasiya edilmiş qəti mövqeyi var.
O qeyd edib ki, "Şərq Tərəfdaşlığı" proqramına üzv olan altı ölkənin hər biri ilə 2020-ci ilədək konkret 20 layihənin icrası çərçivəsində qəbul olunan qərarların həyata keçirilməsi üçün sıx əməkdaşlıq edirik".
1news.az