Mnatsakanyan ilk ciddi imtahandan "kəsildi", bəyanata müdaxilə cəhdi alınmayıb
Zöhrab Mnatsakanyan ilk ciddi imtahandan "kəsildi".
1news.az xəbər verir ki, bu barədə Ermənistanın “Past” nəşri yazıb.
Belə ki, xarici işlər naziri Zohrab Mnatsakanyan Vyanada Azərbaycan Prezidenti İlham Əliyevlə baş nazir Nikol Paşinyan arasında baş tutmuş ilk rəsmi görüşün yekununa dair ATƏT-in Minsk qrupu həmsədrlərinin birgə bəyanatının mətninə Paşinyanın əvvəlcədən tapşırığına uyğun olaraq bəzi məlumatların daxil edilməsinə çalışıb
"Bu səbəblə həmçinin, xarici işlər naziri Zöhrab Mnatsakanyan Moskvaya" gizli "səfər edib, burada o, rusiyalı həmsədrin köməyi ilə bəyanatın mətninə bir az yumşaqlıq və ən əlverişli tezisləri daxil etməyə cəhd göstərib. Lakin mətnlər əvvəlcədən hazırlandığı üçün buna nail ola bilməyib.
Nəticədə, baş nazir Mnatsakanyandan son dərəcə narazı qalıb. Ancaq böyük gözləntiləri birinci rəsmi görüş ilə əlaqələndirmək və birmənalı qiymət vermək mümkün deyil. Eyni zamanda əldə edilmiş məlumata görə, hökumətdə Mnatsakanyanın ilk ciddi imtahandan "kəsildiyini" düşünürlər”, deyə “Past” nəşri yazıb.
P.Sultanova
