1news.az

Misir Tutanxamonun büstünə görə İnterpola müraciət etdi

11 İyul saat 16:18 ~ 1 dəqiqəlik oxu 2378
Misir Tutanxamonun büstünə görə İnterpola müraciət etdi

Misir hakimiyyəti ötən həftə Londonda 4 milyon 746 min funt-sterlinqə (təxminən 6 milyon dollar) satılmış firon Tutanxamonun qədim daş büstünün yerinin müəyyən olunması üçün İnterpol qarşısında məsələ qaldırıb.

1news.az-ın AZƏRTAC-a istinadən verdiyi xəbərə görə, hərrac iyulun 4-də "Christie's" satış evi tərəfindən keçirilib. Bu, vaxtilə xarici arxeoloqlar tərəfindən qanunsuz olaraq ölkədən çıxarılan tarixi abidələrin geri qaytarılmasını tələb edən Misir tərəfinin narazılığına səbəb olub.

Misir prokurorluğu Qədim Abidələrin Repatriasiyası üzrə Milli Komitənin tələbi ilə lazımi sənədləri olmayan belə əşyaların yerinin müəyyən edilməsinə order verməsi üçün İnterpola müraciət edib.

Tutanxamon Misiri eramızdan əvvəl 1332-1323-cü illərdə idarə edib. Onun sərdabası 1922-ci ildə britaniyalı arxeoloqlar tərəfindən aşkarlanan vaxta qədər toxunulmaz qalıb. Sərdabanın aşkarlanması XX əsrin ən böyük arxeoloji tapıntısı sayılır.

Qeyd edək ki, 1983-cü ildə Misirdə qədim əşyaların xaricə çıxarılması qadağan edilib.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net