Mingəçevirdə təqaüdçülərlə görüş keçirilib - FOTO
Aprelin 13-də “Üçüncü Bahar” təşəbbüs qrupu Mingəçevir şəhərinin təqaüdçüləri ilə görüş keçirib.
1news.az-ın məlumatına görə, görüş zamanı “KapitalBank” ASC-nin Minqəçevir filialının müdiri Elşən Qasımov təqaüdçülər qarşısında “Maliyyə savadlılığı” mövzusunda praktik təlim proqramı ilə çıxış edib.
Minqəçevirin quruculuğunda bilavasitə iştirak etmiş təqaüdçülər tədbirin bədii hissəsinə şeir və musiqi ifaları ilə rəng qatıblar. Tədbirin təşkilində fəal iştirakına görə Mingəçevir sakinləri Validə Əlizadə və Pəri Tağıyeva “Üçüncü Bahar” təşəbbüs qrupu tərəfindən “Təşəkkürnamə” ilə təltif ediliblər.
Qeyd edək ki, “Üçüncü Bahar” təşəbbüs qrupu 2017-ci ildən fəaliyyət göstərir. Layihənin əsas məqsədi əmək təqaüdünə çıxmış əhalinin asudə zamanının səmərəli təşkili ilə məşğuldur.
Qrupun Bakıxanov qəsəbəsində YAŞA mərkəzi fəaliyyət göstərir. Təqaüdçülər bu mərkəzdə müxtəlif istiqamətli təlim -tədris proqramlarında iştirak edirlər. Yavər Əliyev küçəsi 1 ünvanında yerləşən mərkəzlə (012) 425 55 23 nömrəsi ilə əlaqə saxlaya bilərsiniz.
1news.az
