Millimiz yenə Malta ilə sülh bağladı – FOTO – VİDEO
UEFA Millətlər Liqasında IV tura start verilib.
1news.az-ın məlumatına görə, D liqasının 3-cü qrupunda mübarizə aparan millimiz də növbəti oyununa çıxıb.
Bakı Olimpiya Stadionunda baş tutan görüşdə Qurban Qurbanovun komandası ilk görüşdə 1:1 hesablı bərabərə qaldığı Malta yığmasını qəbul edib.
Xorvatiyalı baş hakim İvan Bebekin idarə etdiyi oyunda hesabı qonaqlar açıblar. Belə ki, Rouen Muskat görüşün 37-ci dəqiqəsində komandasını hesabda önə çıxarıb.
Birinci hissəsinin sonunadək hesab dəyişməyib.
Qarşılaşmanın 53-cü dəqiqəsində Azərbaycan millisi hesabı bərabərləşdirib. Mahir Mədətovun ötürməsini Araz Abdullayev baxımlı qolla tamamlayıb və bu, oyunda vurulan sonuncu qol olub. Beləliklə, ilk oyunda olduğu kimi Azərbaycan-Malta oyununda qalib müəyyənləşməyib – 1:1.
Qrupun digər oyununda isə Farer Adaları yığması Kosovo millisini qəbul edib və görüş 1:1 hesabı ilə başa çatıb. Qrupda bütün komandalar 1 xal qazandığından turnir cədvəlindəki mövqelərində dəyişiklik olmayıb.
Beləliklə, dörd turdan sonra hesabında 8 xal olan Kosovo turnir cədvəlinə başçılıq edir. Millimiz 6 xalla qrupda ikinci pillədə qərarlaşıb. Farer Adaları 4 xalla üçüncü, Malta isə 2 xalla sonuncu yerdədir.
Millimiz növbəti oyununu noyabrın 17-də Bakıda Farer Adaları yığmasına qarşı keçirəcək.
Millətlər Liqası
D liqası, 3-cü qrup, III tur
14 oktyabr
20:00. Azərbaycan - Malta - 1:1
Qollar: Muskat, 37 (0:1), Araz Abdullayev, 53 (1:1)
Hakimlər: İvan Bebek, Tomislav Petroviç, Miro Qrqiç, Qoran Pataki
Bakı Olimpiya Stadionu
20:00. Farer adaları - Kosovo - 1:1
Qollar: Raşiça, 9 (0:1), Yonsen, 50 (1:1)
Turnir cədvəli:
|
1. |
Kosovo |
4 |
2 |
2 |
0 |
6:2 |
8 |
|
2. |
Azərbaycan |
4 |
1 |
3 |
0 |
5:2 |
6 |
|
3. |
Farer adaları |
4 |
1 |
1 |
2 |
4:7 |
4 |
|
4. |
Malta |
4 |
0 |
2 |
2 |
4:8 |
2 |
1news.az
