1news.az

Özil millidən gedir: “Qalib gələndə almaniyalı, uduzanda murdar türk köçkün oluram”

23 İyul saat 11:44 ~ 1 dəqiqəlik oxu 1019
Özil millidən gedir: “Qalib gələndə almaniyalı, uduzanda murdar türk köçkün oluram”

İngiltərənin "Arsenal" klubunun yarımmüdafiəçisi Məsut Özil Almaniya yığmasında oynamaq istəmədiyini, Almaniyanı beynəlxalq yarışlarda təmsil etmək niyyətində olmadığını bəyan edib.

1news.az-ın Milli.az-a istinadən verdiyi xəbərə görə, 29 yaşlı futbolçu bu barədə Twitter-dəki akkauntunda açıqlama yayıb.

Özilin yazdığına görə, qərarının əsas səbəblərindən biri Almaniya Futbol Federasiyasının (DFB) rəhbərliyi, xüsusilə də federasiyanın prezidenti Raynhard Qrindelin davranışıdır.

"Son hadisələrlə bağlı düşünüb-daşınandan sonra qərara gəldim ki, irqçilik və sayğısızlıqla qarşılaşdığım üçün Almaniya yığmasını tərk etməliyəm. Almaniya yığmasının futbolkasında qürurla oynayırdım. İndisə artıq o hiss yoxdur", - Özil yazıb.

Üç səhifəlik açıqlamasında futbolçu bildirir ki, Almaniya yığmasının heyətində oynadığı 10 ildə əldə etdiyi uğurlar unudulub.

"DVB-nin rəhbərliyi mənə belə yanaşırsa, Türkiyə əsilli olmağıma sayğı bəsləmirlərsə və siyasi təbliğatın alətinə çevirirlərsə, dayanmaq zamanıdır. Qalib gələndə almaniyalı, uduzanda murdar türk köçkün oluram", - Özil yazıb.

Bu ilin mayında Məsut Özil Londonda Türkiyə prezidenti Rəcəb Tayyib Ərdoğanla birlikdə foto çəkdirəndən sonra Almaniyada sərt tənqidlərə məruz qalmışdı. DFB rəhbəri Raynhard Qrindel onun belə addımını "qətiyyətlə pisləmişdi".

Məsut Özil tək Almaniyada yox, bütün Avropa ölkələrində "əsl avropalı" olmayan futbolçulara irqçi, şovinist münasibətlə bağlı məqamları aşkarlayıb.

Almaniya demokratik, inkişaf etmiş ölkədir. Lakin elə həmin Almaniyada məişət səviyyəsində almanların "gəlmə"lərə, ölkədə doğulmuş müsəlmanlara münasibətləri irqçilik, nasizm həddindədir.

1news.az

OXUCULARIN SEÇİMİ
REDAKSİYANIN SEÇİMİ
Futbol BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net