Milli Məclis 27 məsələni müzakirə etmək üçün toplanır

Bu gün Milli Məclisin növbəti plenar iclası keçiriləcək.

1news.az-ın Trend-ə istinadən verdiyi xəbərə görə, iclasda öncə Milli Məclisin Gənclər və idman komitəsinin tərkibində dəyişikliklər edilməsi haqqında məsələyə baxılacaq.

Daha sonra deputatlar Əmək Məcəlləsinə, Cəzaların İcrası Məcəlləsinə, İnzibati Xətalar Məcəlləsinə, Cinayət Məcəlləsinə, "Əmanətlərin tam sığortalanması haqqında", "Azərbaycan Respublikasında dövlət dili haqqında", "Reklam haqqında", "Hərbi vəzifə və hərbi xidmət haqqında" və bir sıra digər qanunlara əlavə və dəyişikliklər müzakirə edəcəklər.

Ümumilikdə iclasın gündəliyinə 27 məsələyə daxilir.

1news.az