MFL Gəncə Kubokuna start verildi – FOTO – VİDEO | 1news.az | Xəbərlər
Futbol

MFL Gəncə Kubokuna start verildi – FOTO – VİDEO

10:54 - 17 / 04 / 2019
MFL Gəncə Kubokuna start verildi – FOTO – VİDEO

Azərbaycanın ən böyük həvəskar futbol liqası olan MFL bu dəfə ölkənin ən önəmli futbol şəhərlərindən olan Gəncəyə üz tutdu.

1news.az-ın məlumatına görə, Gəncənin bu il Avropanın idman şəhəri seçilməsi də buna təkan oldu.

Təxminən bir il əvvəl başlayan danışıqlar öz bəhrəsini verdi və aprelin 13-də “MFL Gəncə Kuboku 2019”-un açılış və püşkatma mərasimi baş tutdu.

Mərasimdə AFFA-nın baş katibi Elxan Məmmədov, MFL-in direktoru Rəhman Hacıyev, Gəncə şəhər Gənclər və İdman Baş İdarəsinin rəisi Müşfiq Cəfərov iştirak ediblər.

Çempionatı açıq elan edən Rəhman Hacıyev MFL haqda qonaqları məlumatlandırıb. Bildirib ki, ölkəmizdə futbolun daha da populyarlaşdırılmasını, insanlar arasında sağlam həyatı təbliğ etməyi qarşısına məqsəd qoyan MFL bu yöndə fəaliyyətini uğurla davam etdirir.

Qeyd olunub ki, “MFL Gəncə Kuboku 2019” turnirinin məqsədi Gəncədə yaşayan futbol həvəskarlarını ən yüksək səviyyədə təşkil edilən turnir çərçivəsində birləşdirməkdir.

MFL layihəsini çox bəyəndiyini və hər zaman dəstəklədiyini deyən Elxan Məmmədov həvəskar futbolun artıq futbol şəhəri olan Gəncəyə gəlməsinə çox şad olduğunu bildirib.

Gəncədə futbolsevərlərin çox olduğunu diqqətə çatdıran Müşfiq Cəfərov MFL-in onları da unutmadığına görə məmnun olduğunu vurğulayıb.

Çıxışlardan sonra turnirin püşkatma mərasimi keçirilib.

İlk səbətdə ilk qeydiyyatdan keçən 32 komanda yer alıb və 16 cüt bəlli olub. İkinci hissədə qeydiyyatdan keçən digər 32 komanda da eyni üsulla rəqibini tanıyıb.

Qeyd edək ki, AFFA və McDonald'sın dəstəyilə keçirilən turnirdə əvvəl 32 komandanın iştirakı nəzərdə tutulsa da, istək çox olduğundan təşkilatçılar 64 komandanın iştirakına qərar veriblər.

Turnirin formatına gəlincə, “MFL Gəncə Kuboku 2019” play-off sistemi üzrə Offside meydançalarında keçiriləcək.

Aprelin 20-də 1/32 final oyunları baş tutacaq. Yarımfinal mərhələsində isə komandalar ev və səfər oyunu olmaqla iki dəfə qarşılaşacaqlar. Üçüncü yer uğrunda oyun və final görüşü isə bir dəfə keçiriləcək.

Turnirin mükafat fonduna gəlincə, qalib komanda 500 manat, qızıl medallar və kubok, ikinci yerin sahibi 300 manat və gümüş medallar, üçüncü yeri tutan komanda isə 250 manat və bürünc medallar qazanacaq. Bundan əlavə, turnirin bombardiri xüsusi kubokla təltif olunacaq.

 

1news.az

Paylaş:
1177

Son xəbərlər

Azərbaycan neftinin qiyməti 88 dolları keçibBu gün, 09:12Mehriban Əliyeva İlaxır çərşənbə ilə bağlı paylaşım edibBu gün, 09:08Bu gün İlaxır çərşənbə qeyd olunurBu gün, 09:07Səhiyyə Nazirliyi bayram günləri ilə bağlı əhaliyə müraciət edibBu gün, 08:58DYP hərəkət iştirakçılarına hava ilə bağlı müraciət edibBu gün, 08:51Bakının bir sıra yollarında tıxac yaranıbBu gün, 08:44Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib18 / 03 / 2024, 17:33Ceyhun Bayramov Çanaqqala zəfərinin ildönümü münasibətilə Türkiyəni təbrik edib18 / 03 / 2024, 17:11Ötən həftə azad olunmuş ərazilərdə 38 mina aşkarlanıb18 / 03 / 2024, 17:02Süni intellekt əvəzinizə mahnı yaradacaq - FOTO18 / 03 / 2024, 16:48Cənubi Qafqazın sülh təşəbbüskarları18 / 03 / 2024, 16:34“Ali Məhkəmənin tətbiq etdiyi yeni sistem hamı üçün faydalıdır” – RƏYLƏR18 / 03 / 2024, 16:34Böyük Britaniya kralı III Çarlz vəfat edib18 / 03 / 2024, 16:20“Gənclik” metrostansiyasının yanında yeni nəqliyyat mübadilə mərkəzi yaradılıb18 / 03 / 2024, 16:13İlham Əliyev Xankəndinin Azərbaycan torpağı olması ilə bağlı bir sıra faktları açıqlayıb18 / 03 / 2024, 16:04Xankəndinin mərkəzi meydanına “Zəfər meydanı” adı verilib18 / 03 / 2024, 15:58İraq Respublikasının Prezidenti Azərbaycan nümayəndə heyətini qəbul edib - FOTO18 / 03 / 2024, 15:48Tamstore 25-ci marketini açır – işçi sayı 1200-ü keçdi18 / 03 / 2024, 15:41İlham Əliyev Novruz bayramı münasibətilə Azərbaycan xalqını təbrik edib18 / 03 / 2024, 15:38
Bütün xəbərlər