Məleykə Abbaszadə abituriyentin 596 balla ali məktəbə qəbul ola bilməməsi iddiası haqqında
Abituriyent Əsgəri İbrahim Əli oğlunun yay qəbul imtahanında 596 bal toplaması haqqında iddia qəbul olunmur.
1news.az xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə abituriyent Əsgəri İbrahim Əli oğlunun yay qəbul imtahanında 596 bal toplaması, lakin bu balla ali məktəbə qəbul oluna bilməməsi barədə olan iddialarına münasibət bildirərkən deyib.
Onun sözlərinə görə, mərkəzə nəticələrin saxtalaşdırılması ilə əlaqədar heç bir müraciət daxil olmayıb: "Həm valideyn, həm də abituriyentin kifayət qədər vaxt olub ki, balların saxtalaşdırılıb-saxtalaşdırılmaması ilə bağlı məlumatları ictimaiyyətləşdirilsin. Mərkəzin nüfuzuna zərbə vurduğu üçün və yalan məlumat yaydığı üçün bu məlumatı sosial şəbəkələrdə yayan ekspert Kamran Əsədov da məhkəməyə veriləcək".
1news.az