1news.az

Meksika və Azərbaycan miqrasiya sahəsində əməkdaşlığı müzakirə edib

19 Aprel saat 11:56 ~ 2 dəqiqəlik oxu 167
Meksika və Azərbaycan miqrasiya sahəsində əməkdaşlığı müzakirə edib

Miqrasiya sahəsində ikitərəfli əməkdaşlığın genişləndirilməsi imkanlarını müzakirə etmək məqsədi ilə Meksikanın Azərbaycandakı səfiri Rodrigo Labardini ilə Dövlət Miqrasiya Xidmətinin rəisi Firudin Nəbiyevlə görüşüb.

1news.az-a səfirlikdən verilən məlumata görə, diplomat Azərbaycanın Meksikanın regionda mühüm tərəfdaşı olduğunu vurğulayaraq, iki ölkə arasında olan siyasi və ticarət əlaqələrinin inkişafının vacibliyini bildirib.

Bundan əlavə, Meksika Milli Miqrasiya İnstitutunun fəaliyyəti və strukturu haqqında məlumat verərək, onun tərəfdaşı olan Azərbaycan Dövlət Miqrasiya Xidməti ilə müxtəlif fəaliyyət növləri üzrə əməkdaşlıq imkanlarını vurğulayıb.

Öz növbəsində, Firudin Nəbiyev bildirib ki, Dövlət Miqrasiya Xidməti miqrantların təhlükəsiz, nizamlı və müntəzam hərəkətinə zəmanət verir. Sözügedən dövlət qurumu bir çox beynəlxalq təşkilatlarla əməkdaşlıq edir və bu da Meksikanın Milli Miqrasiya İnstitutu ilə əməkdaşlığa maraq göstərməsinə bir səbəbdir, hansı ki, bu sahədə münasibətlərin inkişafına imkan verərək iki ölkə arasında təcrübə mübadiləsinin aparılmasına və qabaqcıl təcrübəyə qarşı bir addım olardı.

Bununla əlaqədar, səfir qeyd edib ki, Meksika miqrasiya məsələlərini əhatə edən müxtəlif beynəlxalq sənədlərinin iştirakçısıdır, və təhlükəsizlik sxemi ilə miqrantların ehtiyaclarını artırmaq məqsədi ilə, Birləşmiş Millətlər Təşkilatının (BMT) çərçivəsində Qlobal təhlükəsiz, nizamlı və müntəzam miqrasiya sazişinının mövcud olduğunu söyləyib. Diplomat qeyd edib ki, Meksikanın ABŞ-la olan sərhədindən hər gün 1 milyon insan və 400 min nəqliyyat vasitəsi keçir, bu isə təhlükəsiz, nizamlı və müntəzam miqrasiyanın yalnız Meksika üçün deyil bütün dünya üçün mühüm bir məsələ olduğunu göstərir.

Pərvanə Sultanova

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net