1news.az

Meksika və Azərbaycan gömrük sahəsində əməkdaşlığı müzakirə edib

8 Noyabr saat 16:16 ~ 2 dəqiqəlik oxu 158
Meksika və Azərbaycan gömrük sahəsində əməkdaşlığı müzakirə edib

Meksikanın Azərbaycandakı səfiri Rodriqo Labardini ilə Dövlət Gömrük Komitəsinin sədri Aydın Əliyev ilə görüşüb.

1news.az-a səfirlikdən verilən məlumata görə, görüşdə gömrük sahəsində ikitərəfli əməkdaşlıq məsələləri müzakirə olunub.

Komitə sədri hər iki ölkə arasında siyasi münasibətlərin inkişafını qeyd edib, iqtisadi və ticari əlaqələrin genişlənməsi üçün potensialı vurğulayıb. Bundan əlavə, Meksikanın müvafiq qurumu ilə sıx əlaqələrindən danışaraq gömrük xidmətinin təkmilləşməsinin yeni yollarını axtarmaq, həmçinin fikir və təcrübə mübadiləsini həyata keçirmək məqsədilə daimi dialoq apardıqlarını deyib.

Səfir Labardini bu il 25-illiyini qeyd edən ikitərəfli diplomatik münasibətlərin ümumi panoramasını diqqətə çatdırıb. Bu xüsusda, hər iki ölkə səfirliklərinin rolu və onların fəaliyyətinin əməkdaşlığın müxtəlif sektorlarına müsbət təsirindən danışıb. Diplomat dünya üzrə 14-cü yeri tutan Meksika iqtisadiyyatının bir neçə vacib göstəricisini qeyd edib. Həmçinin, vurğulayıb ki, ticarətin asanlaşdırılması üçün texnologiyanın düzgün istifadəsi və effektiv müasirləşmə prosesinin mövcudluğu ilə vergi yiğımının artımı və Meksika şirkətlərinin məhsuldarlığının güclənməsində ölkənin gömrük sistemi əsas rol oynayır. Məlumat verilib ki, ölkənin 49 gömrük məntəqəsindəki yığım milli yığımın 29%-i təşkil edir, bu da, ƏDV üzrə vergi gəlirlərinin 72%-ə bərabərdir. Xarici ticarət əməliyyatlarından gələn yığım, son ildə 13,7% artımı ilə, 787 min 550 milyon peso cıvarında qərarlaşır.

Tərəflər gömrük sahəsində ikitərəfli əlaqələrin səviyyəsindən məmnuluq ifadə edərək müvafiq hüquqi bazanın güclənməsi zəruriyyətini qeyd ediblər. Həmçinin, beynəlxalq təşkilatlar, Dünya Gömrük Təşkilatı çərçivəsində əməkdaşlıq müzakirə olunub. Təcrübəni bölüşmək və zənginləşdirmək məqsədilə bu sektordan olan müəllim və tələbə mübadiləsinin vacibliyi vurğulanıb.

 P.Sultanova

 

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2017 "The First News" İnformasiya Agentliyi,,
Bütün hüquqlar qorunur
entonee.net