Markedonov: Ermənistanın yeni hökuməti təhlükəli bir presedent yaradır
Ermənistanın yeni hökuməti təhlükəli bir presedent yaradır.
1news.az erməni mətbuatıa istinadla xəbər verir ki, bunu politoloq Sergey Markedonov sabiq prezident Robert Koçaryanın həbsinə dair Ermənistan apellyasiya məhkəməsinin qərarını şərh edərkən bildirib.
O deyib ki, Koçaryan hətta məhkəmə qərarını gözləmədən, Milli Təhlükəsizlik Xidmətinə getdi: “Koçaryan piar baxımından qüsursuz bir şəkildə davrandı, Viktor Yanukoviç kimi qaçmadı və cəzadan yayınmağa çalışmadı. Əksinə, o, prosesi yeni hökumət üçün iddianaməyə çevirmək istəyir. Yeni hökumət özü təhlükəli bir presedent yaradır. 2018-ci ilə qədər bütün mövcud mübahisələr və uyğunsuzluqlara görə liderlər özlərindən əvvəlkiləri cəzalandırmadılar. Yeni qaydalar bu alqoritmi pozur. Paşinyanın bu populiyarlığı da əbədi olmayacaq.
Artıq parlament seçkiləri göstərdi ki, Yerevan meriyasına seçkilərlə müqayisədə Paşinyan dəstəyini itirib. Bu yüksək reytinqin azaldılması hakimiyyət orqanlarını "sükan və yelkən " itkisinin qarşısını almağa təhrik edəcək. Əgər bu baş verərsə, Koçaryanın işi təkrarlana bilər. Və “qanuni baş nazirin” devrilməsi ittihamı irəli sürülə bilər".
P.Sultanova
