Mərkəzi Klinik Xəstəxanada ilk dəfə unikal əməliyyat həyata keçirilib | 1news.az | Xəbərlər
Cəmiyyət

Mərkəzi Klinik Xəstəxanada ilk dəfə unikal əməliyyat həyata keçirilib

16:50 - 25 / 09 / 2017
Mərkəzi Klinik Xəstəxanada ilk dəfə unikal əməliyyat həyata keçirilib

Mərkəzi Klinik Xəstəxananın baş həkimi, ürək-damar cərrahı, tibb elmləri doktoru Kamran Musayev və onun rəhbərlik etdiyi həkimlər briqadası unikal əməliyyat həyata keçiriblər. Ağciyər damarlarının endarterektomiyası adlanan həmin əməliyyat ölkəmizdə ilk dəfə icra edilib.

1news.az-ın AZƏRTAC-a istinadla verdiyi xəbərə görə, həyat üçün çox təhlükəli olan ağciyər damarlarının tromblaşmasının aradan qaldırılması məqsədilə icra olunan əməliyyatın mahiyyəti barədə məlumat verən Kamran Musayevin bildirdiyinə görə, həmin diaqnoz qoyulan xəstələr indiyədək dərmanla müalicə edilir və xəstələrin çox böyük əksəriyyəti həyatını itirirdi.

Baş həkim deyir: "Xəstə 27 yaşlı yeni ana olmuş qadın idi. Hamiləlik zamanı baldır şişkinliyi ilə əlaqədar həkimə müraciət edib və ona baldır damarlarının (venalarının) trombozu diaqnozu qoyularaq müalicə aparılıb. Doğuşdan sonra isə qadında təngnəfəslik başlayanda ona "Ağciyər arteriyasının tromboemboliyası" diaqnozu qoyulub. Aparılan 3-4 aylıq müalicə səmərəsiz olub və xəstədə ağcıyər arteriyasında təzyiq ciddi şəkildə yüksəlib. Biz onu müayinə edəndən sonra "xroniki tromboembolik ağciyər hipertenziyası" diaqnozu qoyduq".

Cərrah yeganə müalicə yolunun xəstənin qan dövranının tam dayandırılmaqla cərrahi müdaxilə olduğunu bildirib: "Açıq metodla ağciyər arteriyalarındakı tromboembolik tıxacları "Ağciyər arteriyasının tromboendarterektomiyası" adlanan əməliyyatda xüsusi cərrahi alətlərdən istifadə edərək təmizlədik. Həmin əməliyyat dərin hipotermiya şəraitində icra olunur və xəstə 18 dərəcə C-yə qədər soyudulur. Ona görə əməliyyatı çox sürətlə və qısa zamanda aparmaq tələb olunur. 20 dəqiqə ərzində əməliyyatı başa çatdırmaq məcburiyyətində idik, əks halda xəstənin həyati orqanlarına ciddi zərər dəyə bilərdi. Əməliyyatın həmin kritik mərhələsini 14 dəqiqə ərzində uğurla başa vurduq. Əməliyyatdan 1 həftə sonra isə xəstə tam sağalaraq evə göndərildi".

Tibb elmləri doktoru Kamran Musayev venalarında tromblaşma olan xəstələrə daha diqqətli olmağı tövsiyə etdi: "Xüsusilə hamilələr, artıq çəkisi olanlar, müəyyən qan xəstəliyi olan xəstələr risk qrupundadır. Ağciyər damarlarında tromb yaranan, ümumiyyətlə venalarında tromblaşma olan bütün xəstələr çox diqqətli olmalıdırlar. Həmin xəstəlik hamiləlik zamanı sadə baldır venalarının tromblaşmasından sonra da əmələ gələ bilər. Damar tromblaşmasını müalicə edən həkimlər həmin diaqnozu mütləq nəzərə almalıdırlar. Artıq respublikamızda da icra olunan həmin əməliyyat zərurət olan bütün xəstələrə məsləhət görülməlidir".

Dünyanın yüksək dərəcədə ixtisaslaşmış çox nadir tibb mərkəzlərində icra olunan əməliyyatın ölkəmizdə, özü də yerli mütəxəssislərin icra etdiyi əməliyyat ölkə səhiyyəsinin son illərdə əldə etdiyi uğurlardan biridir.

S.Xankişiyeva

Paylaş:
553

Son xəbərlər

Füzuli, Ağdam, Ağdərə, Xocalı və Tərtərdə yol layihələrinin icrası davam etdirilir - FOTOBu gün, 15:10Azərbaycanda yeni idman kanalına lisenziya verilibBu gün, 15:05Sumqayıtda 7 yaşlı uşağın ölümə səbəb olmaqda ittiham olunan məşqçiyə hökm oxunduBu gün, 14:51“McDonald’s Azərbaycan” və DSMF şəhid övladları üçün xeyriyyə tədbiri keçirib - FOTO - VİDEOBu gün, 14:45“For Azerbaijan” Beynəlxalq Xeyriyyə Təşkilatının elan etdiyi qrant müsabiqəsində 82 layihə təklifi qəbul edilibBu gün, 14:39Milli Məclisin 29 martda keçiriləcək iclasının gündəliyi açıqlandı - SİYAHIBu gün, 14:36“PAŞA Holding”in “Vətən əmanətlərin keşiyindədir” layihəsi çərçivəsində şəhid ailələrinə bayram sovqatları çatdırılırBu gün, 14:25AYNA xəbərdarlıq edir: Taksi sürücülərinin təlimlərdə əyani iştirakı mütləqdir!Bu gün, 14:15Kamaləddin Qafarov: “Azərbaycan-Gürcüstan əməkdaşlıq əlaqələri yeni sahələri əhatə edəcək”Bu gün, 14:10Hərbi qulluqçuların maarifləndirilməsi üzrə keçirilən tədbirlər davam etdirilirBu gün, 13:56Bakıda bankdan oğurluq edilməsinin qarşısı alınıb - VİDEOBu gün, 13:48Xəzər dənizi vasitəsilə 29,7 kq narkotikin Azərbaycana gətirilməsinin qarşısı alınıbBu gün, 13:35FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56
Bütün xəbərlər