1news.az

Leyla Əliyevanın təşəbbüsü ilə Moskvada növbəti xeyriyyə aksiyası keçirilib – FOTO

24 Noyabr saat 15:00 ~ 1 dəqiqəlik oxu 61
Leyla Əliyevanın təşəbbüsü ilə Moskvada növbəti xeyriyyə aksiyası keçirilib – FOTO

Heydər Əliyev Fondunun vitse-prezidenti, Rusiyanın Azərbaycanlı Gənclər Birliyinin (AMOR) sədri  Leyla Əliyevanın təşəbbüsüi ilə Moskvada “Qanın milləti yoxdur” adlı növbəti xeyriyyə aksiyası keçirilib.

1news.az-ın APA-ya istinadən verdiyi xəbərə görə, İ.M.Seçenov adına Birinci Moskva Dövlət Tibb Universitetinin dəstəyilə baş tutan aksiya universitetinin kliniki transfuziologiya və hematologiya kafedrasında təşkil edilib.

Qanvermə aksiyası hər il iyunun 14-də - Dünya Qan Donoru Günü keçirilir. Bu il isə aksiyanın bu vaxt keçirilməsinə səbəb qan xəstəliklərindən əziyyət çəkən insanların yardım göstərilməsi xahişi ilə AMOR rəhbərliyinə ünvanlanan çoxsaylı məktublarıdır. Müraciət edənlərin böyük əksəriyyəti donor qanına ehtiyacı olan uşaqlardır.

Aksiya zamanı 80-dən çox insan hemofiliya və digər qan xəstəliklərindən əziyyət çəkənlər üçün qan veriblər. Aksiyada Azərbaycan, Rusiya, Malayziya, İndoneziya, Misir, Çin, Özbəkistan, Gürcüstan və digər ölkələrdən tələbələr iştirak ediblər.

Tədbirin əsas təşkilatçılarından biri, AMOR İdarə Heyətinin üzvü, tibb elmləri namizədi Samir Əliyev bildrib ki, aksiyada iştirak edənlər bir tərəfdən öz sağlamlıq durumu haqqında məlumat alır, digər tərəfdən, qana ehtiyacı olan insanlara kömək etməklə xeyirxah iş görürlər: "“Qanın milləti yoxdur” aksiyalarında hər il yüzlərlə gənc iştirak edir, toplanmış qan isə xəstələrin müalicəsinə yönəldilir".

1news.az

OXUCULARIN SEÇİMİ
REDAKSİYANIN SEÇİMİ
Rusiya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2017 "The First News" İnformasiya Agentliyi,,
Bütün hüquqlar qorunur
entonee.net