1news.az

Komitə sədri: Ermənistanda minlərlə mədəniyyət ocağımız dağıdılıb

11 İyul saat 16:34 ~ 1 dəqiqəlik oxu 85
Komitə sədri: Ermənistanda minlərlə mədəniyyət ocağımız dağıdılıb

Ermənistanın Azərbaycana qarşı təcavüzü, eyni zamanda İslama qarşı qərəzli mövqeyi bu ərazidə İslama aid mədəniyyət nümunələrinin tədricən məhvinə səbəb olub.

1news.az-ın Trend-ə istinadən verdiyi xəbərə görə, bunu Dini Qurumlarla İş üzrə Dövlət Komitəsinin sədri Mübariz Qurbanlı Bakıda keçirilən "İslam Sivilizasiyası Qafqazda" II Beynəlxalq Simpoziumunda deyib.

Onun sözlərinə görə, İslam Qafqazda yayıldığı dövrdə İrəvanda xanlığında (hazırkı Ermənistan ərazisi) da məscidlər olub. Hesablamalara əsasən, Ermənistanda Azərbaycan türklərinə və İslama aid minlərlə mədəniyyət ocağı dağıdılıb.

M.Qurbanlı əlavə edib ki, sovet dövründə dinə qarşı olan təzyiqlər bu sahədə bir boşluq yaratmışdı, islami dəyərlər, dinlə bağlı fikirlər arxa planda idi:

"Qafqazda İslam sivilizasiyasının yayılmasında Qafqaz Müsəlmanları İdarəsinin özünəməxsus rolu olub. Lakin bu proses yalnız müstəqillik illərindən sonra geniş həyata keçirilməyə başlanılıb. Azərbaycan müstəqilliyini yeni əldə edəndə ölkədə yalnız 17 məscid fəaliyyət göstərirdi. İndi isə Azərbaycanda 2500-dən çox məscid var".

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net