1news.az

İsveçrənin www.zeitung.ch portalında “Azərbaycanda qadınlar: keçmiş və müasir dövr” adlı məqalə dərc olunub

16 Oktyabr saat 12:15 ~ 2 dəqiqəlik oxu 150
İsveçrənin www.zeitung.ch portalında “Azərbaycanda qadınlar: keçmiş və müasir dövr” adlı məqalə dərc olunub

İsveçrənin www.zeitung.ch portalında “Azərbaycanda qadınlar: keçmiş və müasir dövr” başlıqlı məqalə dərc olunub.

1news.az-ın verdiyi xəbərə görə, Merlinda Dauti adlı məqalə müəllifi ötən həftə Friburq Universitetində “Azərbaycanda qadınlar: keçmiş və müasir dövr” adlı maraqlı tədbirdə iştirak etdiyini qeyd edir.

Müəllif qeyd edir ki, müstəqilliyini bərpa etdikdən sonra Azərbaycan hökuməti qadın məsələləri ilə bağlı öz siyasətini müəyyənləşdirməyə çalışıb. Bu istiqamətdə atılan ilk addımlar sırasında 1995-ci ildə Pekində keçirilən IV Dünya Qadınları Konfransı ərəfəsində Azərbaycanın BMT-nin Qadınlara qarşı ayrı-seçkiliyin bütün formalarının ləğv edilməsi haqqında Konvensiyanı imzalaması dayanır.

Daha sonra digər beynəlxalq sənədlərə də qoşulan və ölkə qanunvericiliyini təkmilləşdirən Azərbaycan 2001-ci ildə Avropa Şurasına üzv qəbul edildikdən sonra AŞ-nın Qadın və kişilərin hüquqlarının bərabərliyi komitəsinin işində fəal iştirak edib. Öz xarici siyəsti çərçivəsində gender bərabərliyini tanıyan Azəraycan qadın problemlərinə həsr olunmuş regional və beynəlxalq tədbirlərdə iştirak edir.

Müəllif həmçinin qeyd edib ki, bu tədbirlərdə iştirak etməklə Azərbaycanın nümayəndə heyətlərinin məqsədi təkcə gender bərabərliyi sayəsində ölkənin tutduğu mövqeyi bəyan etməkdən ibarət deyil, həmçinin beynəlxalq ictimaiyyətin diqqətini əksəriyyətin qadın və uşaqlardan ibarət olduğu bir milyondan artıq azərbaycanlının Dağlıq Qarabağ münaqişəsi nəticəsində qaçqın və məcburi köçkün vəziyyətinə yönəltməkdir. 

Hələ də bir milyondan artıq insan Dağlıq Qarabağ münaqişəsinin mövcud beynəlxalq hüququn prinsipləri əsasında həll edilməsini gözləyir. Bunun üçün isə Ermənistan işğal etdiyi Azərbaycan torpaqlarından geri çəkilməli və qaçqınların öz doğma torpaqlarına geri dönmələrinə şərait yaradılmalıdır. Yalnız erməni ordusu Azərbaycan torpaqlarından geri çəkildikdən sonra əsrlər boyu olduğu kimi Azərbaycan əhalisinin ermənilərlə yenidən dinc birgə yaşayışı mümkün ola biləcəkdir.

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net