1news.az

İpoteka kreditləşməsi məqsədi ilə yaşayış sahəsinin qiymətinin müəyyənləşdirilməsi qaydası dəyişdirilib

11 Noyabr saat 12:12 ~ 2 dəqiqəlik oxu 193
İpoteka kreditləşməsi məqsədi ilə yaşayış sahəsinin qiymətinin müəyyənləşdirilməsi qaydası dəyişdirilib

Nazirlər Kabineti “İpoteka kreditləşməsi məqsədi ilə yaşayış sahəsinin 1 kvadratmetri üçün orta bazar qiymətinin müəyyən edilməsi Qaydası”nın təsdiq edilməsi haqqında” qərarında dəyişikliklər edib.

1news.az-ın Report-a istinadla verdiyi xəbərə görə, bununla bağlı qərarı Baş nazirin birinci müavini Yaqub Eyyubov imzalayıb.

Sənəddə deyilir: "Azərbaycan Respublikası Nazirlər Kabinetinin 2016-cı il 31 avqust tarixli 323 nömrəli “Azərbaycan Respublikasında ipoteka kreditləşməsinin bəzi məsələləri haqqında” Azərbaycan Respublikası Prezidentinin 2016-cı il 22 iyun tarixli 940 nömrəli Fərmanında dəyişikliklər edilməsi barədə” Azərbaycan Respublikası Prezidentinin 2017-ci il 13 iyul tarixli 1530 nömrəli Fərmanının 3.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

“İpoteka kreditləşməsi məqsədi ilə yaşayış sahəsinin 1 kvadratmetri üçün orta bazar qiymətinin müəyyən edilməsi Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2016-cı il 31 avqust tarixli 323 nömrəli qərarında (Azərbaycan Respublikasının Qanunvericilik Toplusu, 2016, № 8, maddə 1459) aşağıdakı dəyişikliklər edilsin:

  1. Adında və ikinci abzasında “İpoteka kreditləşməsi” sözləri “Güzəştli ipoteka kreditləşməsi” sözləri ilə əvəz edilsin.
  2. Həmin qərarla təsdiq edilmiş “İpoteka kreditləşməsi məqsədi ilə yaşayış sahəsinin 1 kvadratmetri üçün orta bazar qiymətinin müəyyən edilməsi Qaydası” üzrə:

2.1. adında “İpoteka kreditləşməsi” sözləri “Güzəştli ipoteka kreditləşməsi” sözləri ilə əvəz edilsin;

2.2. 1.1-ci bəndə “ipoteka” (hər iki halda) sözündən əvvəl “güzəştli” sözü əlavə edilsin və həmin bənddən “təmirli” sözü çıxarılsın;

2.3. 1.2-ci bəndə “ipoteka” (hər iki halda) sözündən əvvəl “güzəştli” sözü əlavə edilsin;

2.4. 2.2.1-ci yarımbənd ləğv edilsin.

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2017 "The First News" İnformasiya Agentliyi,,
Bütün hüquqlar qorunur
entonee.net