1news.az

İnkişaf və investisiya –  gənc sahibkarlar ilk addımını atdı – FOTO

17 Aprel saat 16:31 ~ 2 dəqiqəlik oxu 685
İnkişaf və investisiya –  gənc sahibkarlar ilk addımını atdı – FOTO

“Coca-Cola” Fondunun əsas dəstəyi, Azərbaycan Respublikasının Gənclər və İdman Nazirliyinin dövlət tərəfdaşlığı ilə “Youth Inc.”

Sahibkarlıq Proqramı tərəfindən 2012-2019-cu illər ərzində həyata keçirilən “New Generation” layihəsinin III mərhələsi üzrə fəaliyyət davam edir.

New Generation Laboratory adlanan bu mərhələdə layihəyə müraciət edərək öncəki mərhələlərdə iştirak edən gənc startapçılar və sahibklardan seçilmiş 40 layihə iştirak edir.

Fərqli sahələr üzrə mütəxəssislər “face-to-face” görüşlərdə layihələrin zəif və güclü tərəflərini müəyyən edərək onların 2 ay davan edəcək mentorinq və biznesin inkişafı proqramı müddətində istifadə edəcəyi yol xəritəsini hazlayıb. Layihələr “pitching” üçün öz ideya və bizneslərində olan zəiflikləri aradan qaldıraraq hazırlanacaqlar. Yekunda isə onlar 35000 AZN-dək investisiyaya bir addım daha yaxın olacaq.

3 gün davam edən “face-to-face” görüşlərdə Abşeron, Quba-Xaçmaz, Şəki-Zaqatala, Gəncə-Qazax iqtisadi regionlarından ümumilikdə 40 layihə PAŞA Həyat Sığorta, “Procter and Gamble”, “Horeca Azerbaijan”, Park Bulvar AVM, “INNOLAND”, “Master Coach Azerbaijan” kimi qurumların nümayəndələri və fərdi sahibkarlar qarşısında təqdim ediblər. Bu görüşlərin nəticəsində layihələrin zəiflikləri ortaya çıxarılaraq onlar üçün inkişaf xəritəsi hazırlanacaqdır. Bundan sonra sözügedən layihələr mentorinq və biznesin inkişafı proqramına qoşulacaq.

Qeyd edək ki, “New Generation” layihəsi “Youth Inc.” Sahibkarlıq Proqramı çərçivəsində “Coca-Cola Foundation”-un dəstəyi, Azərbaycan Respublikasının Gənclər və İdman Nazirliyinin dövlət tərəfdaşlığı ilə 2018-ci ildə həyata keçirilməyə başlayaraq ölkə miqyasında 4 iqtisadi regionu əhatə edir. Layihənin əsas məqsədi ölkə ərazisində gəncləri sahibkarlığa cəlb həvəsəndirmək və mövcüd biznes ideyaları daha da inkişaf etdirərək startap ekosisteminə qoşmaqdır. 1 il davam edəcək “New Generation” layihəsi Abşeron, Quba-Xaçmaz, Gəncə-Qazax və Şəki-Zaqatala iqtisadi regionlarında icra olunur. Layihəyə qoşulan gənc sahibkarlar ümumilikdə 4 mərhələdən keçəcək.

Təlimlər haqqında məlumat almaq və qoşulmaq üçün: nglab.youthinc.az

S.Xankişiyeva

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net