İlham Əliyevin Paşinyandan üstünlüyü: Ermənistanın rəhbərini mühafizəçilərlə bir yerdə əyləşdirdilər – FOTO
Məlum olduğu kimi, dekabrın 6-da Prezident İlham Əliyev Rusiya Prezidenti Vladimir Putinin dəvəti ilə MDB dövlət başçılarının qeyri-rəsmi zirvə görüşündə iştirak etmək üçün Rusiyaya işgüzar səfərə gedib.
1news.az-ın məlumatına görə, Prezident Kitabxanasında MDB dövlət başçılarının qeyri-rəsmi zirvə görüşündən sonra MDB dövlət başçılarının qeyri-rəsmi naharı olub.
Daha sonra isə dövlət başçıları Sankt-Peterburq Dövlət Akademik Mariinski Teatrında Pyotr Çaykovskinin “Şelkunçik” baletinə baxıblar.
Teatrdan çəkilən fotolarda isə dövlət başçılarının necə əyləşməsi diqqət çəkir. Belə ki, Prezident İlham Əliyev liderlərin yanında – Rusiya prezidenti Vladimir Putinlə Qazaxıstanın dövlət başçısı Nursultan Nazarbayevin yanında oturub, Ermənistanın baş naziri vəzifəsini icra edən Nikol Paşinyan isə lap kənarda, mühafizəçilərin yanında əyləşdirilib.
Bundan başqa fasilə zamanı Prezident İlham Əliyevin rusiyalı həmkarı Vladimir Putin və Türkmənistanın dövlət başçısı Qurbanqulu Berdiməhəmədovla səmimi söhbət etməsi də diqqət çəkir.
Bu fakt Azərbaycan Prezidentinin MDB dövlət başçıları arasında necə böyük nüfuza malik olmasını bir daha təsdiq etməklə yanaşı, Ermənistan rəhbərinin demək olar ki, heç bir nüfuzunun olmadığını göstərir.
1news.az