1news.az

Hikmət Hacıyev: Ermənistan XİN o qədər çarəsiz vəziyyətdədir ki, artıq klounlarla işləməyə başlayıb

16 İyul saat 17:32 ~ 1 dəqiqəlik oxu 153
Hikmət Hacıyev: Ermənistan XİN o qədər çarəsiz vəziyyətdədir ki, artıq klounlarla işləməyə başlayıb

Ermənistan xarici işlər nazirliyi və xüsusi xidmət orqanları o qədər çarəsiz vəziyyətdədirlər ki, artıq klounlarla işləməyə başlayıblar. O ki qaldı hansısa bloggerə, o da deyəsən megalomaniadan əziyyət çəkir.

1news.az-ın verdiyi xəbərə görə, bunu Ermənistan XİN-nin açıqlaması ilə əlaqədar Azərbaycan XİN-nin Mətbuat xidmətinin rəhbəri Hikmət Hacıyev bildirib:

“Bizim belə qeyri-ciddi işlərlə məşğul olmağa vaxtımız yoxdur. Görünən odur ki, arzuolunmaz şəxslər siyahısı Ermənistana rahatlıq vermir, ciddi psixoloji və praktiki təzyiq altında olduqlarını etiraf edirlər”.

Qeyd edək ki, Ermənistan XİN-in mətbuat katibi Tiqran Balayan  erməni mətbuatına verdiyi açıqlamada erməni əsilli belorus blogger Vladislav Mosesovun Azərbaycana səfərindən sonra həyatının təhlükədə olduğunu bildirib:

“Ermənistan XİN erməni əsilli belorus bloggerlə əlaqə saxlayaraq, onun nə dərəcədə təhlükədə olduğunu dəyərləndirəcək və lazımi köməklik göstərəcək”.

S.Xankişiyeva

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net