Həmsədrlər Ermənistana səfərlərinin yekunu ilə bağlı bəyanat yayıblar
ATƏT-in Minsk qrupunun həmsədrləri Ermənistana səfərlərinin yekunu ilə bağlı bəyanat yayıblar.
1news.az ATƏT-in saytına istinadən xəbər verir ki, bəyanatda vasitəçilərin 12-14 iyun tarixlərində Ermənistanda səfərdə olduqları və xarici işlər naziri Zoqrab Mnatsakanyan, baş nazir Nikol Paşinyan, müdafiə naziri David Tonoyan, Ermənistan prezidenti Armen Sarkisyanla görüşdükləri qeyd edilib.
Görüşlərdə prosesi irəli aparmaq istiqamətində növbəti addımlar, xarici işlər nazirlərinin yaxın gələcəkdə keçiriləcək görüşü müzakirə edilib. Onlar həmçinin Ermənistan-Azərbaycan sərhədində və təmas xəttində son vəziyyət barədə fikir mübadiləsi aparıblar və konstruktiv mühitin qorunmasının vacibliyini vurğulayıblar.
Həmsədrlər Helsinki Yekun Aktı, o cümlədən güc tətbiq edilməməsi, ərazi bütövlüyü, bərabər hüquqlar və xalqların öz müqəddəratını təyinetmə prinsipləri əsasında tərəflərə münaqişənin sülh yolu ilə həllinin tapılması istiqamətində kömək göstərməyə sadiqlik olduqlarını təsdiqləyiblər.
Ermənistan rəsmiləri ATƏT-in Minsk qrupu və ATƏT sədrinin şəxsi nümayəndəsinin işini dəstəklədiklərini və həmsədrlərin himayəsi altında məhsuldar şəkildə işləməyə davam etməyə hazır olduqlarını vurğulayıblar.
1news.az
