Həbsdə olan general Qriqoryanın anasının evinə oğurluğa giriblər

Ermənistanda naməlum şəxslər həbsdə olan general Manvel Qriqoryanın anasının evinə oğurluğa giriblər.

1news.az erməni mətbuatına istinadla xəbər verir ki, hadisə fevralın 19-da baş verib.

Naməlum şəxs və ya şəxslər çərçivəni və pəncərəni sındıraraq Arşalyis kəndindəki evlə daxil olublar. Heç nə oğurlanmayıb, amma evdə hər şey dağıdılıb.

Məlumata görə, bu ev 2004-cü ildə 93 yaşında vəfat etmiş Manvel Qriqoryanın anası Arpenik Avakyana məxsus olub.

P.Sultanova