1news.az

Həbib Meyvezerlə döyüşdən imtina etdi? – FOTO

16 Oktyabr saat 09:50 ~ 1 dəqiqəlik oxu 5849
Həbib Meyvezerlə döyüşdən imtina etdi? – FOTO

Ötən günlərdə boks üzrə 5 çəki kateqoriyası üzrə 12 qat dünya çempionu Floyd Meyvezerlə döyüşmək istədiyini dilə gətirən Həbib Nurməhəmmədovun çağrışına müsbət cavab verilib.

1news.az-ın məlumatına görə, bu barədə Meyvezer “Twitter” səhifəsində yazıb:

“CBS, Showtime və MGM Grand çek kitabçalarınızı hazır edin! Həbib mənə çağırış edib. Las-Veqası yenidən möhtəşəm edəcəyik!”.

Bu arada Həbib Nurməhəmmədov “Instagram” səhifəsi vasitəsilə Meyvezerə yeni ismarıc göndərib. O, ismarıcında amerikalı boksçuya Las-Veqasda döyüşmək istəmədiyini bildirib.

“Floyd, amma Veqas yox, onlar mənim pulumu vermək istəmirlər”, - deyə o bildirib. 

Qeyd edək ki, H. Nurməhəmmədov Meyvezeri döyüşə çağırıb. Amerikalı boksçu bu çağırışa müsbət cavab verib və döyüş yeri kimi Las-Veqası təklif edib.

İki məğlubedilməz döyüşçünün duelinin gələn ilin ilk aylarında baş tutması gözlənilir.

1news.az

OXUCULARIN SEÇİMİ
REDAKSİYANIN SEÇİMİ
İdman BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net