"Gələn il Ermənistanda yeni bahalaşma dalğası olacaq"

Gələn il Ermənistanda bahalaşmanın növbəti dalğası gözlənilir.

1news.az erməni mətbuatına istinadla xəbər verir ki, bu barədə "Joxovurd” nəşri yazb. Qeyd edilib ki, tütün məhsulları və spirtli içkilərə aid aksiz vergisinin artmasından sonra bahalaşma qaçılmazdır.

Məlumat üçün bildirək ki, aksiz vergisi ilə bağlı bu ilin yanvar ayından etibarən Ermənistanda siqaret və spirtli içkilərin qiymətləri də artıb.

Gələn il də qiymət artımı gözlənilir. Nəşrə görə, bu, Ermənistanın sabiq hakimiyyətindən qalma qaydadır, bundan başqa aksiz vergisi dərəcələrinin artması həm də Avrasiya İqtisadi İttifaqının qaydalarına görədir ki, cəmiyyət zərərli maddələr olan məhsullardan mümkün qədər az istifadə etsin.

"Gələn il iyulun 1-dən başlayaraq, aksiz vergisinə tabe olan məhsulların siyahısı genişlənəcək və yeni məhsullar kimi tərkibində beş qram və ya daha çox şəkər olan 100 qramlıq içkilər də daxil ediləcək. Yeri gəlmişkən, Maliyyə Nazirliyi iyulun 1-dən pivə üzrə də aksiz vergisini artırmağı nəzərdə tutur.", "Joxovurd" yazıb. 

P.Sultanova