1news.az

Fransadan erməni separatçılarına daha bir zərbə

12 İyun saat 15:40 ~ 2 dəqiqəlik oxu 107
Fransadan erməni separatçılarına daha bir zərbə

Fransanın Qrenobıl şəhərinin inzibati məhkəməsi bu ölkənin bir sıra departamentləri ilə Azərbaycanın işğal olunmuş torpaqlarındakı inzibati bölgələr arasında imzalanmış dörd “Dostluq haqqında xartiya”nı ləğv edib. 

1news.az xəbər verir ki, bu barədə Fransanın erməni internet resursu “Nouvelles Armenie magazine” (armenews.com) məlumat yayıb. Bildirilir ki, bunlar Drom, Valans, Bur-le-Valans, Bur-de-Peak rayonlarıdır. Bu rayonlar Fransanın cənub-şərqindəki Overn-Rona-Alpes bölgəsində yerləşən Drom departamentinə aiddir.

Məhkəmə sənədi qanunsuz hesab edərək onun ləğvi ilə bağlı qərar çıxarıb.

Nəşrdə hesab olunur ki, fransız məhkəmələrinin “humanitar icma təşəbbüsləri”ni ləğv etməsi “hökumət tədbirləri” dir. Görünür o,  Fransanı baş naziri Facebookda tərəfdarlarına ölkədəki məhkəmələri məhv etməyə çağıran Ermənistanla səhv salır.

Xatırladaq ki, mayın 29-da Fransanın Serji-Pontuaz inzibati tribunalı da Arnuvill şəhəri ilə Azərbaycanın işğal altında olan Xocavənd rayonu arasında imzalanmış “Dostluq haqqında xartiya”nı iyunun 4-də ləğv edib.

Məlumata görə, məhkəmə 2018-ci il oktyabrın 22-də imzalanmış sənədin qeyri-qanuni, heç bir hüquqi qüvvəsi olmayan və Fransanın beynəlxalq öhdəliklərinə zidd olması barədə qərar çıxarıb

İşlə bağlı məhkəmə dinləmələri 2019-cu il fevralın 28-də başlanıb, mayın 29-da başa çatıb. Qeyd edək ki, bu, 2013-cü ildən sonrakı dövrdə Fransa məhkəməsinin Azərbaycanın xeyrinə çıxardığı ilk qərardır. Həmin vaxt Azərbaycan tərəfi separatçı rejimin Dağlıq Qarabağı və ətraf 7 rayonun işğalını legitimləşdirmək cəhdlərinə dair məsələnin həlli ilə bağlı Fransa məhkəməsinə müraciət etmişdi.

Bəzi eksperlər hesab edirlər ki, Fransa məhkəməsinin bu ədalətli qərarı belə bir əminlik yaradır ki, məhkəmələr Ermənistanın işğal altında olan Azərbaycan ərazilərində yaratdığı rejimin bağladığı digər qeyri-qanuni xartiyaları da ləğv edəcək. Bununla da Fransa məhkəməsi ermənilərin bütün cəhdlərinin üzərindən xətt çəkmiş oldu.

Qeyd edək ki,Azərbaycan separatçı rejiminişalı legitimləşdirmək, fransa şəhərləri ilə qarşılıqlı əlaqələr qurmaq cəhdlərini dəfələrlə rəsmi Paris qarşısında qaldırıb..Birinci vitse- prezident Mehriban Əliyeva Fransaya sonuncu səfəri zamanı keçirdiyi rəsmi görüşlərdə məsələni müzakirə edib və belə halların yolverilməzliyini diqqətə çatdırıb.

Bundan başqa bu ilin fevralında erməni diasporunun nümayəndləri ilə görüş zamanı prezident Emanuel Makron bu tipli xartiyaların imazlanması və işalçı rejimlə Fransa şəhərlərinin əlaqələrinin qurulmasını Fransanın dövlət maraqlarına, beynəlxalq öhdəliklərinə və hüquqa zidd olduğunu bildirmişdi.

1news.az

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net