1news.az

Formula 1 yarışlarında ikinci sərbəst yürüşün nəticələri məlum olub

23 İyun saat 19:41 ~ 1 dəqiqəlik oxu 531
Formula 1 yarışlarında ikinci sərbəst yürüşün nəticələri məlum olub

Bakıda keçirilən Formula 1 yarışlarında ikinci sərbəst yürüş başa çatıb.

1news.az Trend-ə istinadən xəbər verir ki, bu mərhələni də “Red Bull” komandasının niderlandlı pilotu Maks Ferstappen lider başa vurub.

Yürüşün son saniyələrində qəza törətməsinə baxmayaraq, o 1:43.362 dəqiqə nəticə göstərərək birinci yürüşdə göstərdiyi nəticəni daha da yaxşılaşdırıb.

İkinci nəticəni “Mercedes” pilotu Valtteri Bottas (1:43.462), üçüncü nəticəni digər “Red Bull” pilotu Daniel Rikkardo (1:43.473) göstərib.

Qeyd edək ki, iyunun 23-də Bakıda dünyanın ən nüfuzlu idman yarışlarından olan Formula 1 dünya çempionatının 8-ci mərhələsi – Azərbaycan Qran-Prisinə start verilib.

Azərbaycan paytaxtında artıq ikinci dəfədir keçirilən Formula 1 yarışında bu gün pilotlar birinci və ikinci sərbəst yürüşlərə çıxıb. İyunun 24-də üçüncü sərbəst yürüşdən sonra sıralanma turu başlayacaq, yekunda pilotların düzülüşü müəyyənləşəcək. Nəhayət, iyunun 25-də Formula 1 – Azərbaycan Qran Prisinin qalibi məlum olacaq.

Formula 1 bolidlərinin hərəkət etməsi üçün hazırlanan xüsusi yolun – Bakı Şəhər Halqasının müəllifi Herman Tilkedir. Bir dövrənin uzunluğu 6 kilometrdən çoxdur. Ümumilikdə bolidlər 51 dövrə (120 dəqiqə) vurmalıdırlar.

1news.az

OXUCULARIN SEÇİMİ
REDAKSİYANIN SEÇİMİ
FORMULA 1 BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2017 "The First News" İnformasiya Agentliyi,,
Bütün hüquqlar qorunur
entonee.net