1news.az

“Evimiz çökür” – 10 evə ziyan vuran sürüşmənin acınacaqlı GÖRÜNTÜLƏRİ – VİDEO

18 Oktyabr saat 11:26 ~ 1 dəqiqəlik oxu 965
“Evimiz çökür” – 10 evə ziyan vuran sürüşmənin acınacaqlı GÖRÜNTÜLƏRİ – VİDEO

Sürüşmə qorxusu Şamaxının Aşıqməmmədağa küçəsinin sakinlərini evlərindən didərgin salıb. 

1
news.az-ın ARB TV-yə istinadən verdiyi xəbərə görə, son yağışlardan sonra aktivləşən torpaq sürüşməsi nəticəsində 10-a yaxın evə ciddi ziyan dəyib. 

Bəzi evlərdə yaşamaq artıq mümkün deyil. Torpaq kütləsi evlərə doğru hərəkət edir. Divarlar ortadan çat verir.

Sakinlər son yağışlar nəticəsində sürüşmənin miqyasının hər gün bir az daha böyüdüyünü deyirlər.

Rahim Babayev – Sakin: “Evə gündüz gəlib baxırıq, axşamlar gedib hərəmiz birinin evində qalırıq.Yatmaq mümkün deyil evdə. Qorxudan qalmaq mümkün deyil. Evdə hər gün beş-on santimetr sürüşmə artır”. 

Akif İbadov – Sakin: “Bax, piləkəndi uçub, evin içinə girir çatlar. Hasar da yavaş-yavaş aralanıb gedir. Günü-gündən də artır”.

Təhlükə təkcə evlərdəki çatlarla yekunlaşmır. Sözügedən ərazidə üç evin daş hasarı uçub, həyətyanı sahələrdə yarğanlar gündən-gündən genişlənir.

Gülnaz Şahvuzarova – Sakin: “Hasarlar uçub gedir, həyətmizdə olan tiklilər uçub gedir. Qabaqdakı evlər torpağın altında qalır, yuxardakı evlər də sürüşüb gəlir aşağı. Sürüşmə ağacları kökündən çıxarıb. Bu dəqiqə bizim evə girin, görəcəksiz ki, ev tərpənir, çökür”.

Sürüşmə nəticəsində artıq 4 ailə evlərini tərk edib.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net