Eurodesign şirkəti “Cisco Solution Innovation Partner” kateqoriyası üzrə Mərkəzi Avropa və EMEAR Emerging regionunun ən yaxşı tərəfdaşı seçilib – FOTO | 1news.az | Xəbərlər
İqtisadiyyat

Eurodesign şirkəti “Cisco Solution Innovation Partner” kateqoriyası üzrə Mərkəzi Avropa və EMEAR Emerging regionunun ən yaxşı tərəfdaşı seçilib – FOTO

14:19 - 21 / 04 / 2016
Eurodesign şirkəti “Cisco Solution Innovation Partner” kateqoriyası üzrə Mərkəzi Avropa və EMEAR Emerging regionunun ən yaxşı tərəfdaşı seçilib – FOTO

2015-ci ilin nəticələrinə görə Eurodesign şirkəti Cisco-nun Mərkəzi Avropa və EMEAR Emerging regionunda “İnnovativ həllər üzrə ilin ən yaxşı tərəfdaş” (Solution Innovation Partner of the Year) adına layiq görülüb.

2016-cı ilin fevralın 29-dan martın 3-dək San-Diyeqoda (ABŞ, Kaliforniya) Cisco-nun 20-ci Tərəfdaş Sammiti (Cisco Partner Summit) keçirildi. Sammitdə ötən ilin nəticələri və gələcək üçün planlar müzakirə olundu. Sammit çərçivəsində şirkətin ən böyük uğur əldə etmiş beynəlxalq tərəfdaşlarının mükafatlandırma mərasimi keçirildi.

“Eurodesign şirkətini Azərbaycanda, EMEAR regionunda və dünyada əldə etdiyi fantastik nailiyyətlər münasibətilə 2016-cı ilin Tərəfdaş Sammitində təbrik etməkdən sevinc duyuruq. Bu, sizin komandanızın uğurlu işinin, eləcə də əməkdaşlıq etdiyimiz illər ərzində yaratdığımız mükəmməl tərəfdaş əlaqələrimizin sübutudur. Eurodesign ildən-ilə müxtəlif meyarlara görə regionun ən yaxşı tərəfdaşı adını qazanır. İnnovativ həllər üzrə mükafat şirkətin mütəxəssis komandasının ən yüksək səviyyəli bacarıqlarına, onun müasir bazarın tələblərinə uyğun olaraq informasiya texnologiyaları sahəsinin gündəmini təşkil edən məsələlərin zirvəsində qalmaq əzminə dəlalət edir. Biz şirkətlərimizin bundan sonra da birgə uğur qazanacağından əminik”, ‒ deyə, Cisco şirkətinin EMEAR regionunda tərəfdaşlarla iş üzrə vitse-prezidenti Milo Şakir vurğuladı.

Eurodesig şirkətinin beynəlxalq səviyyəli “Solution Innovation Partner of the Year-2015” mükafatını əldə etməsi, şirkətin dünya miqyasında qazandığı nailiyyətlərinin bariz sübutudur. Bu mükafat hər il Cisco-nun innovativ həllər sahəsində ən böyük nailiyyət əldə edən tərəfdaşlarına verilir. Eurodesign Cisco-nun belə bir yüksək mükafatına layiq görülən yeganə Azərbaycan şirkətidir. 2015-ci ilin nəticələrinə görə Mərkəzi Avropa və EMEAR Emerging regionunda həmin ada layiq görülən 20 şirkətdən cəmi üçünün MDB ölkələrini təmsil edən şirkətin olması, bu uğurun nüfuzunu daha da artırır. Şirkətlər arasındakı uğurlu əməkdaşlığı təsdiqləyən daha bir məqam isə, Eurodesign şirkətinin hal-hazırda sahib olduğu yüksək Premier Partner statusudur.

Bu mükafatı Eurodesign şirkəti bir sıra layihənin uğurla həyata keçirilməsinə görə əldə edib. Bunlardan ən önəmlisi şirkət tərəfindən “Baku-2015” Birinci Avropa Olimpiya Oyunlarının ən yüksək səviyyədə, Beynəlxalq Olimpiya Komitəsinin tələblərinə uyğun olaraq keçirilməsini təmin edən effektiv, etibarlı və təhlükəsiz rəqəmsal mühitin yaradılmasıdır.

“Fəaliyyət göstərdiyi 20 il ərzində Eurodesign şirkəti həyata keçirdiyi bütün layihələrdə ardıcıl olaraq ən yüksək nəticə əldə etmək arzusunu nümayiş etdirir. Daim irəliyə doğru istiqamətlənmə, Cisco ilə uzun müddətli əməkdaşlıq təcrübəsi, habelə mütəxəssislərimizin unikal bacarıqları müştərilərimizə müasir və keyfiyyətli IT xidmətləri göstərməyə möhkəm zəmin yaradır.  Cisco Tərəfdaş Sammitində aldığımız pozitiv enerji və perspektivli baxış bizi bundan sonra da yeni zirvələri fəth etməyə şövqləndirir”, - deyə, Eurodesign Kommersiya departamentinin direktoru Leyla Nəsrullayeva qeyd edib.

Eurodesign haqqında

Eurodesign şirkəti (http://eurodesign.az) Azərbaycan bazarında 1996-cı ildən şəbəkə və sistem inteqrasiyası üzrə xidmətlər göstərir. Şirkətin intellektual bünövrəsini dünya miqyaslı istehsalçılar tərəfindən sertifikatlaşdırılmış 200-dən çox mühəndis və sistem memarları təşkil edir. Şirkət bir çox aparıcı vendorun, o cümlədən, Cisco, Microsoft, Siemens AG, AMP Netconnect, Ecom, HP və digərləri tərəfindən yüksək səviyyəli səlahiyyətlər əldə edib. Şirkətin təqdim etdiyi həll və xidmətlər spektri özündə korporativ şəbəkə infrastrukturunun, videokonfrans rabitəsinin, habelə əlaqə-çağrı mərkəzlərinin yaradılmasını, informasiya təhlükəsizliyinin təmin olunmasını, məlumatları emal etmə və saxlama xidmətlərini, binaların kompleks mühəndis infrastrukturasının quraşdırılmasını, habelə konsaltinq, audit və IT autsorsinq daxil olmaqla, informasiya sistemlərinin texniki dəstəyini, müşaiyət olunmasını və baxımını ehtiva edir. 

Cisco haqqında

İnformasiya texnologiyaları sahəsində dünya lideri olan Cisco, şirkətlərə gələcəyin imkanlarından faydalanmağa kömək edir, öz timsalında sübut edir ki, qoşulmayanı qoşmaqla heyrətləndirici nəticələr əldə etmək olar. Şirkətin təmiz satış həcmi 2015-ci maliyyə ili ərzində 49,2 milyard dollar təşkil edib. Şirkətin təqdim etdiyi həllər və texnologiyalar barədə, habelə cari fəaliyyəti haqqında məlumatlar www.cisco.ruwww.cisco.com internet səhifələrində dərc olunur.

Paylaş:
2404

Son xəbərlər

İki ali məktəbə prorektor təyin edilibBu gün, 17:58Himayədar ailə olma zamanı tibbi müayinə pulsuz olacaqBu gün, 17:51Qubanın bir hissəsinin qaz təchizatında fasilə yaranacaqBu gün, 17:466 aylıq körpə bacısının dırnağını ağzına saldı, xəstəxanalıq olduBu gün, 17:37Əməkdar artist Rahib Əliyev vəfat edibBu gün, 17:28CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10
Bütün xəbərlər