ƏSA Teatrı Gənc Tamaşaçılar Teatrının səhnəsində növbəti dəfə tamaşaçılarla görüşəcək – FOTO | 1news.az | Xəbərlər
Cəmiyyət

ƏSA Teatrı Gənc Tamaşaçılar Teatrının səhnəsində növbəti dəfə tamaşaçılarla görüşəcək – FOTO

12:46 - 24 / 04 / 2019
ƏSA Teatrı Gənc Tamaşaçılar Teatrının səhnəsində növbəti dəfə tamaşaçılarla görüşəcək – FOTO

Azərbaycanın ilk və tək inklüziv teatrı olan ƏSA Teatrı aprelin 29-da Gənc Tamaşaçılar Teatrının səhnəsində növbəti dəfə tamaşaçılarla görüşəcək.

1news.az-ın verdiyi xəbərə görə, bu barədə məlumatı ƏSA Teatrının baş meneceri Nicat Qulam verib.

Baş menecerin sözlərinə görə, tamaşaçılar ƏSA Teatrının repertuarında olan “Adamlar və siçanlar” tamaşasını hər zaman böyük maraqla izləyiblər:

“İnklüziv teatr kimi repertuarımızda çoxsaylı böyük tamaşalar olsa da istər Bakıda, istərsə də Naxçıvanda tamaşaçılar Con Steynbekin “Adamlar və siçanlar” tamaşasına xüsusi maraq göstərirlər. ƏSA Teatrı isə hər nümayişində tamaşaya modern üslub baxımından yeniliklər edir. Məsəlçün, teatr tarixində ilk dəfə səhnədə canlı nümayiş zamanı film effekti olan “flash back” effektləri məhz, bu tamaşada olması ilə teatr tarixinə düşüb. Təkcə sıravi tamaşaçılar deyil, peşəkar teatr mütəxəssisləri də bu yenilik haqqında yüksək fikirlər bildiriblər.”

Nicat Qulam aprelin 29-da baş tutacaq nümayiş üçün ciddi hazırlıqlardan və tamaşanın bu dəfəki yeniliklərindən danışıb: “Aprel ayının əvvəlindən çətinliklə də olsa məşqlərimizi davamlı edirik. ƏSA Teatrı olaraq, bu il üçün baş tutacaq ilk nümayişimizdə “Adamlar və siçanlar” tamaşası yeni interpretasiyada təqdim olunacaq. Məqsədimiz modern dünya trendlərini yerli auditoriyaya çatdırmaqla yanaşı, inklüiziv incəsənətin sərhədsiz olduğunu göstərməkdir. Bu dəfə isə tamaşanın qəhrəmanları öz azadlıqları naminə fermadan qaçmağı planlaşdırırlar. Qəhrəmanların başlarına gələcək gözlənilməz hadisələri tamaşanı izləməklə biləcəksiz!” 

Tamaşanın quruluşçu rejissoru Nihad Qulamzadədir

Qeyd edək ki, “Adamlar və siçanlar-3. Fermadan qaçış” adlanan tamaşa 29 aprel axşam saat 19:00-da Gənc Tamaşaçılar Teatrının səhnəsində nümayiş olunacaq. Biletləri şəhərimizin bütün kassalarından, iTicket.az onlayn satış saytından və ASAN Xidmət Mərkəzlərindən əldə etmək olar.

S.Xankişiyeva

 

Paylaş:
905

Son xəbərlər

FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16
Bütün xəbərlər