Erməni ekspert: Rusiyadan döyüş təyyarələrinin alınması pul itkisidir
Ermənistanın Rusiyadan 12 ədəd Su-30SM döyüş təyyarəsi alması pul itkisidir.
1news.az erməni mətbuatına istinadla xəbər verir ki, bu barədə hərbi ekspert Van Ambartsumyan bildirib.
Daha əvvəl Ermənistanın müdafiə naziri David Tonoyan Rusiyadan çoxməqsədli Su-30SM döyüş təyyarələrinin alınmasına dair danışıqlar aparıldığını deyib. Onun sözlərinə görə, Yerevan 2019-cu ilin sonunda - 2020-ci ilin əvvəlində dörd belə təyyarə alacaq.
Erməni hərbi ekspert isə hesab edir ki, Azərbaycan çox güclü bir hava müdafiə sisteminə malikdir və buna görə də dörd Su-30SM döyüş təyyarəsinin alınması pul itkisidir.
"Bundan əlavə, onlar Rusiyanın tətəbiq etdiyi modifikasiyadan keçib gələnə kimi artıq köhnəlmiş olacaqlar", Ambartsumyan deyib.
Ekspertin sözlərinə görə, Malayziya və Hindistana satılan Su-30MKM Ermənistana təklif edilən Su-30CM-dən daha yüksək səviyyəli modifikasiyaya malikdir.
O əlavə edib ki, pilotların hazırlığı, texniki dəstək personalının təmin edilməsi az vaxt aparmayacaq, halbuki Azərbaycan tərəfində Belarusa məxsus istifadəsi asan 16 qırıcı təyyarə var.
P.S.
