Erməni deputat Paşinyanın proqramını sərt tənqid etdi: bu, məsuliyyətdən qaçmaqdır
Hökumətin proqramında emosiyalardan başqa konkret heç nə yoxdur.
1news.az erməni mətbuatına istinadla xəbər verir ki, bunu Ermənistan parlamentində hökumətin fəaliyyət proqramının müzakirəsi zamanı “İşıqlı Ermənistan” partiyasının fraksiya katibi Qevorq Qorqisyan bildirib.
Onun sözlərinə görə, baş nazir vəzifəli şəxslərin davranış modelini dəyişdirməyin vacib olduğunu təsdiqləyir:
"Lakin siz Karen Karapetyanın kabinetinin analoquna yaxın bir layihə təqdim etmisiniz. Ötən il siz bu proqramı sərt tənqid edib, onu "tost" adlandırırdınız.
Əvvəl super baş nazirlik institunun ləğvinin zəruriliyindən danışırdınız, ancaq indi bunu təxirə salırsınız", - deyə Qorqisyan Paşinyana müraciət edib.
O, Milli Təhlükəsizlik xidməti ilə Dövlət Gəlirləri komitəsinin birbaşa hökumətə tabe olduğunu bildirib. Eyni zamanda, Diaspor nazirliyi ləğv edilir və baş nazirin yanında səlahiyyətli orqan yaradılır, bu da super baş nazir sisteminin dərinləşməsidir.
Qorqisyan əlavə edib ki, proqramda yalnız 11 rəqəmsal göstərici var, "mütləq" ifadəsi ilə 95 dəfə, "zəruri" sözü ilə 33 dəfə qarşılaşırsan:
"Bir ildən sonra soruşsaq, nə yerinə yetirilib?, cavab verəcəksiniz ki, mütləq iki ildən sonra, yenə də "mütləq”, beş ildən sonra isə “indi seçkilərdir, xalq tərəfindən qərar veriləcək", deyiləcək. Çıxışlardan və təqdim olunan proqramdan bu nəticəyə gəlmək olar: hər şey məsuliyyətdən qaçmaq üçün edilib”.
P.S.
