1news.az

Erkin İbrahimov “Neftçi”nin uğursuzluğu barədə: vağzalyanı çayxanalarda qaqaşlar...

20 İyul saat 12:58 ~ 4 dəqiqəlik oxu 88
Erkin İbrahimov “Neftçi”nin uğursuzluğu barədə: vağzalyanı çayxanalarda qaqaşlar...

Tanınmış futbol mütəxəssisi Erkin İbrahimov "Neftçi" klubunun Avropa Liqasında çıxışı ilə bağlı fikirlərini bölüşüb.

Onun Facebook səhifəsində yazdığı statusu olduğu kimi diqqətinizə çatdırırıq:

“Əslində bu statusu Uypeşt ilə oyunlarından əvvəl, ən gec - Uypeşt ilə ilk oyunundan sonra yazmaq fikrində idim. Həmin vaxt bu bir növ təzyiq kimi qələmə verilərdi. İndi isə adam rahat fikirləşdiyini yaza bilər. Daha kim necə qələmə verirsə versin. Bir-birimizi nə qədər desək aldada bilərik. Futbolu isə əsla aldatmaq olmur. Ona görə sırf “po-futbolnomu” danışaq.

* Kirill Petrovu saxlamaq səhv qərar idi. Onun çatdırmadığını görmək üçün Avroliqanı gözləməyə gərək yox idi. Kəpəz ilə oyunlarda sərgilədiyi futbolu izləmək kifayət idi. Adam topu görən kimi qorxur, oynadığını da oynayıb. Belə bir futbolçuya yeni müqavilə yox, birbaşa bilet təklif olunmalıydı.

* Dario böyük, hətta böyük olmağa çalışan komanda üçün futbolçu deyil. Oynasın özü üçün, publika üçün Kəpəz, ya da istənilən digər əyalət, ambisiyası olmayan komandada. 90 dəqiqə ərzində 2-3 dənə mejdu noq, 2-3 pod sebya, arada bir dənə çerçebe. Səhərisi gün da rayon camaatı çağırsın bunu toylara fəxri qonaq kimi. Hər oyundan sonra da vağzalyanı çayxanalarda qaqaşlar Darionun fintlərini müzakirə etsinlər. Amma adam heç bir halda ciddi futbolçu deyil! Onun Neftçidə nə işi var?!

* Braliçi Balkanlarda təklif etmədiyi menecer qalmadı. Özü də Neftçidə bağladığı pula yox, qat-qat aşağı məbləğə. Elə Premyer-liqamızda çalışan məşqçiləri danışdırsanız kifayətdir.

* Paratski da ortabab bir futbolçudur. Həmin pula, Neftçi kimi adı qür səslənən kluba bu tipli dayaq yarımmüdafiəçi gətirilməz, bəylər! “İzyuminka” deyilən zad yoxdur bu futbolçuda. Ortabab, şablon bir opornikdı.

* Karikari hələ ki sirrli qutudur. Düzdür, bu futbolçunu əvvələr iş başında görmüşəm, inamlı təsir bağışlayırdı. Həmin gündən da xeyli vaxt keçdi. Ona görə hələ qəti bir fikir söyləmək olmur.

* Neftçinin adına, səviyyəsinə uyqun olan tək əcnəbi futbolçu varsa, o da Dabodu. Yazıq nə etsin ki, digər legionel futbolçuların səviyyəsi çox aşağıdır?! Neftçi özəl bir klubdur. Bura gələn əcnəbi futbolçu mütləq şəkildə lider keyfiyyətlərinə sahib olmalıdır. Təəssüflər olsun ki, seleksiya işində bu mütləq prinsipinə riayət olunmadı.

* Futbolda çox vaxt nəticə ədalət prinsiplərinə bağlanır. Mirabdulla Abbasovun Türkiyədə qol vurmadığı komanda qalmadı. Əvəzində klub rəhbərliyi və baş məşqçi (hərçənd Bordinin ciddi məşqçi və söz sahibi olmasına böyük şübhələr var) Karikarini gətirdi. Buna nə ehtiyac var idi? Gül kimi Dabo var, üstəgəl hər zaman onu əvəzləyə biləcək Abbasov. Nəticədə Mirabdullaya 2 oyunda cəmi 13 dəqiqəlik şans verildi.

* Və əlbəttə ki, bütün diqqətlər Bordinə və onu seçən rəhbərliyə yönəlir. İndi bilindi ki, əslində bir həftə öncə Neftçi o qədər möhtəşəm oynamadı. Uypeşt Bakıya ağır marşrut ilə gəlib, iki əsas oyunçusu viza ala bilmədi. Bordin taleyin bu şansından da istifadə edə bilmədi. Məşqçidən sadə bir şey tələb olunurdu, o da 2 top fərqini qorumaq. Bunun üçün da məşqçi müdafiədə kəmiyyəti artırsa, deməli bu adam məşqçi deyil!

Əksinə, Emin Mahmudovu start heyətində buraxmaqla (yenə də ədalət prinsipi), topa daha çox sahib olmaq olardı. Bordinin etdikləri isə göstərir ki, onunla Sənan Qurbanov arasında heç bir fərq yoxdur. Belə baxanda, Sənan bəy ilə tanış olmayan moldovalı dostlar da mənə bu məşqçini məhz bu cür da xarakterizə etmişdi…”.

1news.az

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net