1news.az

Ərdoğan ABŞ-ın terror təşkilatları və məhkəmə ilə Türkiyəni diz çökdürməyə çalışdığını bəyan edib

3 Dekabr saat 17:13 ~ 1 dəqiqəlik oxu 187
Ərdoğan ABŞ-ın terror təşkilatları və məhkəmə ilə Türkiyəni diz çökdürməyə çalışdığını bəyan edib

Baş əymədiyimiz üçün ABŞ bizi mühakimə etməyə, etibarsızlaşdırılmağa çalışır.

1news.az-ın APA-ya istinadla verdiyi xəbərə görə, bunu bu gün Türkiyə prezidenti Rəcəb Tayyib Ərdoğan Ağrıda sədri olduğu hakim Ədalət və İnkişaf Partiyasının yerli təşkilatının konfransında çıxışı zamanı bildirib.

Pulunu verənin PKK terror təşkilatından istifadə etdiyini söyləyən R. T. Ərdoğan Türkiyədə etnik və dini mənsubiyyətinə görə heç kimin təzyiqlə üzləşmədiyini bildirib. Türkiyəni bölməyə çalışanlara qarşı qətiyyətlə mübarizə aparıldığını və aparılacağını bəyan edən R. T. Ərdoğan həmişə kürdlərin hüquqlarını müdafiə etdiyini, hətta Suriya prezidenti Bəşər Əsədlə münasibətlərinin yaxşı olduğu zamanlar kürdlərin hüquqlarının qorunmasını istədiyini bildirib:

"Yaxud Türkiyə İraqdakı, Suriyadakı zülmləri görməzdən gələ bilərdimi? Biriləri öz günlük maraqları üçün zalımlarla birgə ola bilər, amma biz bunu edə bilmərik. Biz bunlarla bağlı ssenarilərə qoşulmadığımız, baş əymədiyimiz üçün ABŞ bizi mühakimə etməyə, etibarsızlaşdırmağa çalışır. Ssenari bəllidir, bunu əlaltıları, FETÖ terror təşkilatı ilə birlikdə edirlər. Bizi bu oyuna sala bilməyəcəksiniz.

PKK-nı bunun üçün qızışdırdılar, FETÖ-nu bunun üçün meydana çıxardılar. Hazırda ana müxalifət partiyası olan Cümhuriyyət Xalq Partiyasının sədrindən də eyni məqsədlə istifadə edirlər. Millətimiz bilsin ki, bu oyunların heç bir bir-birindən ayrı deyil. Məqsədləri Türkiyəni diz çökdürməkdir. İstədikləri qədər çalışsınlar, bacara bilməyəcəklər".

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Türkiyə BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2018 "The First News" İnformasiya Agentliyi,,
Bütün hüquqlar qorunur
entonee.net