Əmisi oğlunun arvadına sataşanı cəzalandıranlar saxlanıldı – VİDEO
Ötən gün başqasının həyat yoldaşına sataşan şəxsin kimliyi məlum olub.
1news.az-ın Ölkə.Az-ə istinadla verdiyi xəbərə görə, sözügedən şəxs Şəmkir rayonunun Aşağı Seyfəli kəndinin sakini olan Elxan adlı şəxsdir.
Kəndin icra nümayəndəsi Səyyar Məsimov saytımıza verdiyi açıqlamada bildirib ki, Elxan adlı şəxs əmisi oğlu Əlinin həyat yoldaşına qarşı nalayiq hərəkətlər etdiyi üçün cəzalandırılıb:
"Həmin şəxslər Elxanın əmisi oğlu Əli və onun dostlarıdır. Amma bundan başqa əlavə nəsə deyə bilmərəm".
Qeyd edək ki, sözügedən videoda əmisi oğlunun həyat yoldaşına sataşanı cəzalanıran şəxslər artıq saxlanılıblar.
Şəmkir Rayon Prokurorluğundan A24.Az-a verilən məlumata görə, faktla bağlı Şəmkir Rayon Polis Şöbəsinin istintaq bölməsində Cinayət Məcəlləsinin 133.2.3-cü (əzab vermə (bir qrup şəxs tərəfindən törədildikdə)) maddəsi ilə cinayət işi başlanıb, cinayəti törətməkdə şübhəli bilinən şəxslərin müəyyənləşdirilərək istintaqa cəlb olunması iqtiqamətində zəruri istintaq-əməliyyat tədbirləri davam etdirilir.
Azərbaycanda daha bir dəhşətli hadisə: qardaşı arvadına sataşanı belə cəzalandırdılar – VİDEO
S.Xankişiyeva
